میٹروپولیٹن کارپوریشن کوئٹہ کے میونسپل کمشنر شیر زمان نے عہدے کا چارج سنبھالنے کے بعد انجینئرنگ برانچ اور بلڈنگ برانچ کے افسران کے ساتھ اجلاس کی صدارت کی،اجلاس ایڈمنسٹریٹر کانفرنس روم میں منعقد ہوا، جس میں چیف آرکیٹیکٹ، چیف انجینئر، سپرنٹنڈنگ انجینئرز، آرکیٹیکٹس، اسسٹنٹ انجینئرز، اسٹرکچرل انجینئرز اور بلڈنگ انسپکٹرز سمیت متعلقہ افسران نے شرکت کی۔اجلاس میں دونوں برانچز کی مجموعی کارکردگی، جاری امور اور ذمہ داریوں سے متعلق تفصیلی بریفنگ اور پریزنٹیشن پیش کی گئی،اس موقع پر متعلقہ افسران نے اپنی اپنی برانچز کے انتظامی و تکنیکی امور سے میونسپل کمشنر کو آگاہ کیا۔میونسپل کمشنر شیر زمان نے متعلقہ افسران کو ہدایت کی کہ وہ اپنی ذمہ داریاں پیشہ ورانہ انداز میں ادا کریں اور ادارے کی کارکردگی بہتر بنانے کے لیے باہمی رابطے اور مؤثر حکمت عملی کے تحت کام کریں۔
*میٹروپولیٹن کارپوریشن کوئٹہ کے میونسپل کمشنر شیر زمان کی زیر صدارت انجینئرنگ اور بلڈنگ برانچز کا اجلاس*
