عید الاضحیٰ کے موقع پرپنجاب بھر میں سری پائے جلانے اور بھوننے پر مکمل پابندی عائد کر دی گئی ہے۔محکمہ لوکل گورنمنٹ نے پابندی کا نوٹیفکیشن جاری کردیا ہے۔پنجاب بھر میں دفعہ 144 کے تحت سری پائے جلانے اور بھوننے پر سخت پابندی لگائی گئی ہے۔عوامی مقامات پر سری پائے جلانے سے شدید ماحولیاتی آلودگی اور زہریلا دھواں پیدا ہوتا ہے۔ نوٹیفکیشن کے مطابق تمام ڈپٹی کمشنرز اور لوکل گورنمنٹ افسران پابندی پر سختی سے عملدرآمد کرائیں گے۔
