لاہور سمیت تمام بڑ ے شہروں میں لین لائن کی پابندی یقینی بنانے کا ہدف مقررکردیاگیا-وزیر اعلیٰ مریم نواز شریف کی زیرِ صدارت خصوصی اجلاس میں لاہور کے بڑے روڈز کو ٹریفک کے حوالے سے ماڈل بنانے کا فیصلہ کیاگیا-ٹریفک پولیس موبائل گاڑیوں پر لگے کیمروں سے لین لائن کی پابندی کی مانیٹرنگ کرنے کی ہدایت کی- زگ زیگ میں چلانے پرموٹرسائیکل تھانے میں تین دن بند رہے گی-لین لائن ڈسپلن، روڈ سائیڈ پارکنگ اور ون وے کی خلاف ورزی پر زیرو ٹالرنس پرسختی سے عملدرآمدکرایا جائے گا- وزیراعلیٰ مریم نواز شریف نے عوام کو لین لائن سے متعلق بھرپور آگاہی دینے کی ہدایت کی-وزیراعلیٰ مریم نواز شریف کی زیر صدارت خصوصی اجلاس میں ٹریفک سے متعلق تفصیلی بریفنگ دی گئی اور بتایا گیا کہ ٹریفک پولیس نے 6 ماہ میں 5 لاکھ سے زائد چالان کیے اور ایک لاکھ سے زائد گاڑیاں پکڑیں۔ وزیراعلیٰ مریم نواز شریف نے سی ٹی او لاہور کو شہر کی ٹریفک میں بہتری لانے کا ہدف دے دیا- روڈز کی اطراف پر ناجائز پارکنگ کے سدباب کے لئے سخت اقدامات کی ہدایت کی-وزیراعلیٰ مریم نواز شریف نے لاہور میں غیر منظم ٹریفک ٹرینڈ پر اظہارتشویش کیا اور لاہور کی ٹریفک میں بہتری کے لئے فوری اقدامات یقینی بنانے کا حکم دیا-وزیراعلی مریم نوازشریف نے کہاکہ قانون پرپابندی یقینی بنانے کیلئے چھوٹے بڑے روڈز پرکم عمر ڈرائیونگ کی روک تھام ضروری ہے۔
