میئر کراچی بیرسٹر مرتضیٰ وہاب نے یومِ مزدور کے موقع پر اپنے پیغام میں کہا ہے کہ مزدور کسی بھی معاشرے کی ترقی میں ریڑھ کی ہڈی کی حیثیت رکھتے ہیں اور ان کی محنت و لگن کے بغیر ترقی کا خواب ادھورا ہے، انہوں نے کہا کہ یکم مئی ہمیں محنت کش طبقے کی قربانیوں، جدوجہد اور حقوق کے تحفظ کی یاد دلاتا ہے اور یہ دن اس عزم کی تجدید کا دن ہے کہ ہم مزدوروں کے حقوق کے لیے ہرممکن اقدامات کریں گے، میئر کراچی نے کہا کہ بلدیہ عظمیٰ کراچی اپنے تمام محنت کش ملازمین کو بہتر سہولیات کی فراہمی کے لیے کوشاں ہے اور ان کی فلاح و بہبود کو اولین ترجیح دی جارہی ہے، انہوں نے کہا کہ شہر کی صفائی، نکاسی آب، پارکس کی دیکھ بھال اور دیگر شہری خدمات میں مزدوروں کا کردار نہایت اہم ہے جن کی بدولت کراچی کا نظام چل رہا ہے،انہوں نے کہا کہ موجودہ شہری انتظامیہ مزدوروں کو درپیش مسائل کے حل کے لیے عملی اقدامات کر رہی ہے جن میں تنخواہوں کی بروقت ادائیگی، حفاظتی اقدامات اور کام کے بہتر ماحول کی فراہمی شامل ہے، انہوں نے کہا کہ مزدوروں کے حقوق کا تحفظ صرف ایک دن کا تقاضا نہیں بلکہ یہ ایک مسلسل ذمہ داری ہے جسے ہر سطح پر نبھانا ضروری ہے، انہوں نے کہا کہ یومِ مزدور کے موقع پر ہمیں اس عزم کا اعادہ کرنا ہوگا کہ ہم ایک ایسا معاشرہ تشکیل دیں جہاں ہر محنت کش کو عزت، انصاف اور اس کا جائز حق مل سکے، میئر کراچی نے تمام مزدوروں کو خراجِ تحسین پیش کرتے ہوئے کہا کہ ان کی انتھک محنت ہی شہر کی ترقی کی ضمانت ہے۔
لیبر ڈے ہمیں محنت کش طبقے کی قربانیوں، جدوجہد اور حقوق کے تحفظ کی یاد دلاتا ہے،میئر کراچی بیرسٹر مرتضیٰ وہاب
