وزیراعلیٰ مریم نوازشریف نے شاہ پورکانجراں میں ملک کی سب سے بڑی ماڈل کیٹل مارکیٹ کا افتتاح کر دیا

وزیراعلیٰ پنجاب مریم نواز شریف نے شاہ پور کانجراں میں ملک کی سب بڑی ماڈل کیٹل مارکیٹ کا افتتاح کردیا ہے۔ وزیر اعلیٰ مریم نواز شریف نے شاہ پور کا نجراں ماڈل کیٹل مارکیٹ کا دورہ کیا اور دستیاب سہولتوں کا جائزہ لیا۔

وزیراعلیٰ مریم نواز شریف کو ماڈل کیٹل مارکیٹ پراجیکٹ پر تفصیلی بریفنگ دی گئی۔ وزیراعلیٰ مریم نوازشریف کو بریفنگ میں بتایا گیا کہ لاہور کی شاہ پور کانجراں ماڈل کیٹل مارکیٹ میں 25 ہزار بڑے جانور اور ڈیرہ لاکھ چھوٹے جانور کی گنجائش ہوگی۔ 74 -ایکڑ رقبے پر قائم ماڈل کیٹل مارکیٹ میں مویشیوں کیلئے 20 بڑے شیڈ بنائے گئے ہیں۔ پہلی مرتبہ جانوروں کے شیڈ میں پنکھے بھی لگائے گئے ہیں۔ بریفنگ میں مزید بتایا گیا کہ شاہ پور کانجراں ماڈل کیٹل مارکیٹ میں مویشیوں کو وبائی امراض سے بچانے کیلئے قرنطینہ سینٹر بھی بنایا گیا۔ مویشیوں کے بیوپاریوں کے لئے 20 بڑے رہائشی کمرے بھی بنائے گئے ہیں۔

شاہ پور کانجراں ماڈل کیٹل مارکیٹ میں مسجد،واش روم، وٹرنری کلینک،ٹک شاپ، نک اور اے ٹی ایم مشین بھی ہوگی۔ مویشیوں کی نقل و حمل میں آسانی کے لئے لوڈنگ،ان لوڈنگ بے(Bay) اور ٹرک سینٹر قائم کیے گئے ہیں۔ماڈل کیٹل مارکیٹ میں وسیع پارکنگ، پولیس چوکی اور وسیع وعریض اوپن ایریا بھی موجود ہے۔ ماڈل کیٹل مارکیٹ میں اکشن بے(Bay) بھی قائم اور جدید ترین سلاٹر ہاؤس بھی موجود ہے۔ پنجاب کی دوسری بڑی ماڈل کیٹل مارکیٹ جھنگ میں بنائی جائے گی۔ وزیراعلیٰ مریم نواز شریف نے ماڈل کیٹل مارکیٹ پراجیکٹ نمایاں کارکردگی کا مظاہرہ کرنے پر شیلڈیں بھی دیں۔