وزیر بلدیات پنجاب ذیشان رفیق نے رات کے اندھیرے میں بھارت کی عسکری جارحیت کی شدید مذمت کرتے ہوئے کہا ہے کہ بھارت نے اپنی نام نہاد چودھراہٹ بچانے کیلئے نہتے شہریوں کو نشانہ بنایا لیکن بھارتی فوج کی بزدلانہ کارروائیوں سے پاکستانی عوام کے حوصلے پست نہیں ہونگے۔ وزیر بلدیات نے کہا کہ بھارتی وزیراعظم نے اپنی سیاسی ساکھ بچانے کیلئے فوجی کارروائی کی تاہم نریندر مودی کی اس حرکت سے بھارت کی عسکری ساکھ بھی چلی گئی۔ انہوں نے کہا کہ پاکستانی قوم وزیراعظم شہباز شریف کے اقدامات کے ساتھ ہے۔ پاک فوج کی عسکری تیاریوں پر ہمیں پورا اعتماد ہے۔ ذیشان رفیق نے کہا کہ بھارت نے امن دشمن ملک ہونے کا ثبوت دیتے ہوئے جنگ کی ابتدا کر دی اب اس کے اگلے مراحل کا فیصلہ پاک فوج کریگی۔ پوری قوم ملک کے دفاع کے لئے اپنی بہادر افواج کے ساتھ ہیں۔
