لوکل گورنمنٹ ایمپلائز فیڈریشن خیبرپختونخوا دیگر مزدور تنظیموں کے اشتراک سے تنخواہوں اور پنشن میں مہنگائی کے تناسب سے خاطر خواہ اضافہ کے لئے احتجاجی تحریک کا اغاز کرے گی

پشاور(بلدیات ٹائمز) سرکاری ملازمین کی تنخواہوں اور پنشن میں بجٹ سال 2025-26 میں بالترتیب 6 فیصد اور 7 فیصد کا اضافہ تجویز کیا گیا ھے۔ تفصیلات کے مطابق اگلے سال کے بجٹ میں سرکاری ملازمین کی تنخواہوں میں 6 فیصد اضافہ اور ریٹائرڈ ملازمین کی پنشن میں 7 فیصد اضافہ تجویز کیا گیا ھے۔ پارلیمنٹ ہاؤس کے سامنے احتجاج کرنے والے ہزاروں ملازمین کی نمائندہ تنظیموں نے بجٹ تجاویز میں تنخواہوں اور پنشن میں تجویز کردہ قلیل اضافہ کو اونٹ کے منہ میں زیرہ کے مترادف قرار دے کر مسترد کر دیا ھے۔ اس موقع پر پارلیمنٹ ہاوس سے صحافی برادری سے رابطہ کر کے موجودہ بجٹ تجاویز کو مسترد کرتے ھوئے کہا ھے کہ لوکل گورنمنٹ ایمپلائز فیڈریشن خیبرپختونخوا دیگر مزدور تنظیموں کے اشتراک سے تنخواہوں اور پنشن میں مہنگائی کے تناسب سے خاطر خواہ اضافہ کے لئے احتجاجی تحریک کا اغاز کرے گی جس کی تمام تر ذمہ داری حکومت وقت پر عائد ھوگی۔ لوکل گورنمنٹ ایمپلائز فیڈریشن خیبرپختونخوا کے سینئر عہدیداران نے حکومت خیبرپختونخوا ، وزیر اعلیٰ خیبرپختونخوا اور صوبائی کابینہ سے صوبائی سرکاری ملازمین بشمول بلدیاتی ملازمین و پنشنرز کی تنخواہوں اور ہنشن میں مہنگائی کے تناسب سے خاطر خواہ اضافہ کرنے کا مطالبہ کرتے ھوئے کہا ھے کہ مرکزی حکومت کی طرف سے تنخواہوں اور پنشن میں کیا گیا قلیل اضافہ انصاف کے منافی اور ملازمیں کے بنیادی آئینی حقوق کے خلاف اقدام قرار دیا ھے۔