وائس چیئر مین ایل ڈی اے میاں مرغوب احمد نےایل ڈی اے سپورٹس کمپلیکس ویسٹ کینال نزد ای ایم ای کا دورہ کیا۔ وائس چیئر مین ایل ڈی اے میاں مرغوب احمد نے سپورٹس کمپلیکس میں دستیاب سہولیا ت کا جائزہ لیا۔
ڈائریکٹر سپورٹس کمپلیکسزخرم یعقوب اور ڈائریکٹر انجینئرنگ نے بریفنگ دیتے ہوئے بتایا کہ ایل ڈی اے سپورٹس کمپلیکس ویسٹ کینال 40کنال اراضی پر مشتمل ہے۔ ایل ڈی اے سپورٹس کمپلیکس کینال ویسٹ میں ممبر شپ کا سلسلہ تیزی سے جاری ہے۔ ویسٹ کینال سپورٹس کمپلیکس میں خواتین کے لئے الگ جم،سوئمنگ پول، علیحدہ ٹرینرز، انسٹرکٹر ز و دیگر سہولتیں دستیاب ہیں۔وائس چیئر مین ایل ڈی اے میاں مرغوب احمد نے اس موقع پر گفتگو کرتے ہوئے کہا کہ وزیراعلی پنجاب مریم نواز کا وژن ہے شہریوں کو صحت مندانہ سرگرمیوں کی طرف راغب کیا جائے۔ایل ڈی اے سپورٹس کمپلیکسز کی ممبرشپ کا حصول انتہائی آسان ہے۔ خواتین، سٹوڈنٹس، کھلاڑیوں، معذور افراد اور بزرگ افراد کو خصوصی رعایت کی گئی ہے۔ایل ڈی اے سپورٹس کمپلیکسز میں فیملیز کے ساتھ ساتھ انفرادی ممبر شپ کو کھولا جا رہا ہے۔ایل ڈی اے ویسٹ کینال سپورٹس کمپلیکس سٹیٹ آف دی آرٹ بنایا گیا ہے۔ای ایم ای ویسٹ کینال سپورٹس کمپلیکس آئندہ چند روز میں کھول دیا جائے گا۔ شہری سپورٹس کمپلیکسز میں کھیلوں اور جسمانی سرگرمیوں سے مستفید ہو سکتے ہیں۔
