وزیر اعلیٰ گلگت بلتستان امجد حسین نے صوبائی سیکرٹری داخلہ، ایس ایم بی آر، کمشنرز اور ڈپٹی کمشنر کے اجلاس سے گفتگو کرتے ہوئے کہا کہ لینڈ ریفارمز ایکٹ پر جلد عملدرآمد کیلئے تمام ڈپٹی کمشنر اپنے متعلقہ اضلاع میں ایک موضع کو ماڈل بنائیں اور اس پر کام شروع کریں۔ گلگت بلتستان کے عوام کا دیرینہ مطالبہ لینڈ ریفارمز ایکٹ کے ذریعے حل کیا گیا ہے لہٰذا اس ایکٹ پر عملدرآمد میں تاخیر سے اجتناب کیا جائے۔ وزیر اعلیٰ نے ڈپٹی کمشنر ہنزہ کو 54میگاواٹ عطاء آباد پاور پروجیکٹ کے زمینوں کی معاوضوں کی عدم ادائیگی پر ناراضگی کا اظہار کرتے ہوئے ہدایت کی کہ فوری طور پر متاثرین کو معاوضوں کی ادائیگی یقینی بنائیں۔ 54 میگاواٹ عطاء آباد پاور پروجیکٹ گلگت میں بجلی بحران کے خاتمے کیلئے انتہائی اہمیت کا حامل منصوبہ ہے۔ قومی مفاد کے منصوبوں میں کسی بھی قسم کی کوتاہی برداشت نہیں کی جائے گی۔ وزیر اعلیٰ نے اس موقع پر ڈپٹی کمشنرز کو ہدایت کی کہ مارکیٹوں میں غیر معیاری اشیاء کے خلاف کریک ڈاؤن کیا جائے اور حکومت کی جانب سے متعین قیمتوں پر عملدرآمد کو یقینی بنائیں۔
لینڈ ریفارمز ایکٹ پر جلد عملدرآمد کیلئے تمام ڈپٹی کمشنر اپنے متعلقہ اضلاع میں ایک موضع کو ماڈل بنائیں وزیر اعلٰی گلگت بلتستان
