میٹروپولیٹن کارپوریشن کوئٹہ کی دکھ بری کہانی، ایڈمنسٹریٹر و کمشنر محمد حمزہ شفقات کی زبانی

‏میٹروپولیٹن کارپوریشن پر ایک ارب کا قرضہ ہے ۔ 5 ماہ سے ملازمین کی تنخواہیں نہیں مل رہیں۔ سڑکوں کی مرمت نہیں کر پا رہے ۔ گٹروں پر ڈھکن نہیں رکھ پا رہے ۔ اسٹریٹ لائٹس نہیں لگا سک رہے ۔ کارپوریشن کی 800 دکانیں صرف 55 روپے ماہانہ کرایہ پر ہیں۔ کرایے بڑھانے کے پروسیجر کو مکمل کر کے دکانوں کو نوٹس دئے ۔ پھر سیل کیں۔ سب اب سٹے پر چل رہی ہیں۔ ایک خالی بلڈنگ کو ائی ٹی پارک میں بدلنے کا کام مکمل کیا اور اخبار اشتہار دیا ۔ اس پر سٹے ا گیا ۔ صفائی کا کام سرکاری عملہ نہیں کر سکتا۔ پاکستان کے بیسٹ کنسلٹنٹ سے پبلک پرائیویٹ پارٹنر شپ کا کیس بنا کر اپروول لے کر اخبار اشتہار دیا تاکہ سرکاری ملازمین کی بجائے ماڈرن مشینری سے کام ہو لیکن اس پر بھی سٹے ا گیا ۔ ائرپورٹ روڈ کو پرائیویٹ سیکٹر کے حوالے کر کے سولر لائٹس کا پراجیکٹ شروع کیا لیکن اس کا کیس نیب میں چل رہا ہے ۔ بجٹ کے قریب مزید پیسے نہیں مل سکتے ۔ اسی ٹیم سے ،اسی یونین بازی کے ساتھ ۔ انہیں افسران کے ساتھ مل کر 2 ماہ میں رکارڈ کام کیا اور دو لاکھ ٹن کچرہ ری سائیکل پلانٹ اور ڈمپنگ سائٹ پر شفٹ کیا ۔ ‎@PDMABalochistan کی بہترین ٹیم نے بروقت کاروائی کر کے نالے صاف کیئے اور قبضے چھڑوائے ۔ ان کی مشین پر گولیاں چلائیں گئیں۔ اس پراسس میں ایک ہزار سے زائد لوگوں سے دشمنیاں مول لیں جو ہر قسم کا پراپیگنڈا کر کے ہر طرح سے فیل کرنا چاہتے ہیں تاکہ ان کے بھتے چلتے رہیں اور تیل چوری ہوتا رہے۔ ان سب کی تنقید کے باوجود کام جاری ہے ۔ اس عید پر سب شہریوں سے گزارش ہے کہ قربانی کے بعد سڑکوں پر گند نہ پھینکیں۔ ہم دن رات لگا کر شہر صاف کریں گے انشاءاللہ۔ کارپوریشن کا ساتھ دیں۔