کراچی میں پری مون سون الرٹ جاری کردیا گیا،ٹاؤن چیئرپرسن بارش کے لئے چوکس رہیں، میئر کراچی مرتضٰی وہاب

میئر کراچی مرتضیٰ وہاب نے مون سون کی تیاریوں کا جائزہ لینے کے لئے مختلف علاقوں کے دورے کئے

انھوں نے بتایا کہ پری مون سون الرٹ جاری کر دیا گیا ہے، اور کل بارش متوقع ہے۔ پانی کے بہاو کو یقینی بنانے کے لیے میں ذاتی طور پر نالے کی صفائی کی نگرانی کر رہا ہوں۔ متعلقہ ٹاؤن چیئرپرسن بارش کے لیے چوکس رہیں۔ لوگوں سے اپیل کی جاتی ہے کہ کچرا نالیوں کی بجائے مناسب ڈبوں میں پھینکیں۔ میئر کراچی بیرسٹر مرتضیٰ وہاب نے مومن آباد، شیرشاہ اور ہجرت کالونی نالوں کے دورے کے موقع پر کہا کہ غیر معمولی کچرا پھینکا جانا نالوں کی بندش کی بڑی وجہ ہے۔ میونسپل کمشنر ایس ایم اس موقع پر افضل زیدی، میونسپل سروسز کے سینئر ڈائریکٹر ذوالفقار ابڑو اور دیگر حکام بھی موجود تھے۔