وزیر اعلیٰ پنجاب مریم نواز شریف سیلاب زدگان کا دکھ بانٹنے ملتان شہر کی تحصیل جلالپور پیر والا پہنچ گئیں۔ وزیر اعلیٰ مریم نواز شریف نے گورنمنٹ کالج جلالپور پیر والا فلڈ ریلیف کیمپ کا دورہ کیا اور سیلاب متاثرین میں گھل مل گئیں ۔ وزیر اعلیٰ مریم نواز شریف نے سیلاب متاثرہ خواتین کو گلے لگا کر دلاسہ دیا اور ان کے مسائل کے حل کی یقین دہانی کرائی۔ وزیر اعلیٰ مریم نواز شریف نے سیلاب متاثر ہ بچوں سے شفقت کا اظہار کیا اور خود ڈش لے کربچوں میں کھانا پیش کیا۔ وزیر اعلیٰ مریم نواز شریف نے ننھے بچے کے منہ میں زردے کا نوالہ ڈالا اوراسے پیار کیا۔ وزیر اعلیٰ مریم نواز شریف کی طرف سے سیلاب متاثرین کے لئے خصوصی طور پرکھانے کا اہتمام کیا گیا۔ سیلاب متاثرین کے لئے خصوصی کھانے کا مینیو خود وزیراعلیٰ مریم نواز شریف نے ترتیب دیا۔وزیر اعلیٰ مریم نواز شریف نے سیلاب متاثرہ بچوں اور خواتین میں پھل تقسیم کیے۔ وزیر اعلیٰ مریم نواز شریف بزرگ خاتون کودیکھ کراٹھ گئیں اور انہیں کھانا پیش کیااور ساتھ بیٹھ کر کھانا کھایا۔
وزیر اعلیٰ مریم نواز شریف نے سیلاب کے دوران جاں بحق ہونے والے افراد کے ورثا کو امدادی رقوم کے چیک دیئے ۔ وزیر اعلیٰ مریم نواز شریف نے ہچکیاں لے کر رونے والی خاتون کو گلے لگایا اور تسلی دی۔ بزرگ شہری وزیراعلیٰ مریم نواز شریف کو دیکھ کر خوش ہوا اور کہا کہ ”حیاتی ہووے، ساڈی دھی آئی ایں“ ۔ آپ پر دکھ آیا تو ہم روتے تھے، آج ہم تکلیف میں ہیں تو آپ ہمارے ساتھ ہیں۔فلڈ ریلیف کیمپ میں ایک خاتون نے قائدمحمد نواز شریف اور وزیر اعلیٰ مریم نواز شریف کا دکھ باٹنے پر شکریہ ادا کرتے ہیں۔ وزیر اعلیٰ مریم نواز شریف برقعہ پوش بزرگ خاتون کے ساتھ بیٹھ گئیں، حال دریافت کیا اور سیلاب متاثر ہ خواتین کیساتھ دوزانو بیٹھ کر کھانا بھی کھایا۔ وزیراعلیٰ مریم نواز شریف نے کنگ سلمان ایڈ اینڈ ریلیف سینٹر،پی ڈی ایم اے کی طرف سے فوڈ پیکٹ اور دیگر امدادی سامان بھی تقسیم کیا۔ وزیر اعلیٰ پنجاب مریم نواز شریف فلڈ ریلیف کیمپ سے جلالپور پیروالا سٹی کے حفاظتی بند پر پہنچ گئیں۔ جلالپورپیروالا بائی پاس پر وزیراعلیٰ مریم نواز شریف کو دیکھ کر ہزاروں کا مجمع امڈ آیا۔ وزیراعلیٰ مریم نواز شریف نے جلالپور پیروالا کے لئے مستقل حفاظتی بند بنانے کا اعلان کیا۔ وزیراعلیٰ مریم نواز شریف نے سینئر منسٹر مریم اورنگزیب کو جلالپور پیر والا میں انخلا آپریشن کی مانٹیرنگ کیلئے قیام کرنے کی ہدایت کی۔ وزیراعلیٰ مریم نواز شریف نے اُچ شریف کے لئے گیلانی ایکسپریس وے پراجیکٹ اور جلالپورپیروالا کے سیلاب متاثرین کے لئے سپیشل پیکج کا اعلان کیا۔ وزیراعلیٰ مریم نواز شریف نے سیلاب کے دوران جاں بحق ہونے والے افراد کے ورثاءکے لئے 10،10 لاکھ امداد کا اعلان کےا ہے ۔وزیراعلیٰ مریم نواز شریف نے سیلاب سے منہدم ہونے والے مکمل گھر پر 10 لاکھ اور ایک کمرہ گرنے پر5 لاکھ امداد کا اعلان کےا ہے ۔وزیراعلیٰ مریم نواز شریف نے سیلاب کے دوران بڑے مویشیوں کا ضیاع ہونے پر 5 لاکھ اور چھوٹے جانور کے لئے 50 ہزار روپے امداد دینے کابھی ا علان کےا۔وزیراعلیٰ مریم نواز شریف نے سیلاب متاثرین سے پرجوش اور پر اثر خطاب کرتے ہوئے کہاکہ محمد نواز شریف کی بیٹی ہوں، اپنا ہر وعدہ پورا کروں گی۔ سیلاب سے متاثرہ ایک ایک فرد کا نقصان پورا کریں گے۔ انسانی جان کی کوئی قیمت نہیں دے سکتامگر جاں بحق افراد کے ورثا کے لئے جو بھی ممکن ہوا کریں گے۔ خود چل کر اپنے جلالپورپیروالا کے بہن بھائیوں کے پاس آئی ہوں۔انہوںنے کہاکہ جلالپور پیروالا میں بہت سے لوگ سیلاب میں پھنسے ہوئے ہیں سب کوریسکیو کرنا ہے۔ سیلاب میں گرنے والے سب کے گھر بنا کر دینا چاہتی ہوں۔سیلاب متاثرین ہمارے مہمان ہیں،جب تک پانی نہ اترے گھر نہیں جانا۔سب کو بچانے کی پوری کوشش کررہے ہیں، بہت بڑا سیلاب اور بہت بڑی تباہی آئی ہے۔ جاں بحق ہونے والے کو واپس نہیں لاسکتے مگر ان کے ورثا کے ساتھ پوری ہمدردی ہے اور ان کے ساتھ ہیں۔ اللہ تعالیٰ کے حکم پر کسی کا زور نہیں چلتا، لیکن ہر فرد کے لئے پوری کوشش کررہے ہیں۔
