کمشنرلاہور مریم خان کی زیر صدارت 8 مئی عظیم معرکہ حق تقریبات انتظامات کے حوالے سے اجلاس

کمشنرلاہور مریم خان کی زیر صدارت 8 مئی عظیم معرکہ حق تقریبات انتظامات کے حوالے سے اجلاس منعقد ہوا۔ اجلاس ضلعی انتظامی محکموں نے شرکت کی۔ ضلعی انتظامیہ کی جانب سے کہا گیا کہ انتظامات کیلئے اے ڈی سی جی لاہور کے تحت مین کمیٹی تشکیل دے دی گئی ہے، 8 مئی لاہور تقریبات میں اہم تقریب لبرٹی چوک گلبرگ میں ہوگی، عوام کے لیے اوپن داخلہ ہوگا۔ کمشنرلاہورڈویژن مریم خان نے ضلعی انتظامیہ کو ہدایت دیتے ہوئے کہا کہ آج ضلعی انتظامیہ لاہور کے تحت کمیٹی لبرٹی وینیو کا دورہ کرے۔ انہوں نے کہا کہ انتظامات روسٹرم کے مطابق تمام محکمے وینیو ایریا پر آج سے فوکس کریں، معرکہ حق لبرٹی تقریب کیلئے بہترین ٹریفک اور پارکنگ انتظامات کیے جائیں۔ کمشنر لاہور نے کہا کہ سکیورٹی، صفائی، روڈ ڈائیورژنز، میونسپل انتظامات کو بہترین مینیجمنٹ کے ساتھ ترتیب دیا جائیگا۔کمشنر لاہور نے مزید کہا کہ 8مئی جمعہ کو معرکہ حق تقریبات کو شایان شان انداز میں منایا جائے گا، معرکہ حق ہماری درخشاں تاریخ کے سنہرے معرکوں میں شامل ہے۔اجلاس میں ڈی سی لاہور کیپٹن ر علی اعجاز، ایس ایس پی آپریشنز توقیر احمد، ایڈیشنل کمشنر محمد ارشد بھٹی سمیت پی ایچ اے، ٹریفک پولیس و دیگر محکموں کے افسران نے شرکت کی۔