صوبائی وزیر بلدیات سید ناصر حسین شاہ نے سوک سینٹرحیدرآباد میں ریجنل ڈائریکٹر سندھ بلڈنگ کنٹرول اتھارٹی حیدرآبادکے آفس میں "آٹومیٹڈسنگل ونڈوفیسلٹی حیدرآباد چیپٹر”کا افتتاح کیا -اس موقع پرصوبائی وزیر نے خطاب کرتے ہوئے کہاکہ ایساخودکارنظام کراچی کے بعدحیدرآبادریجن میں شروع کیاگیاہے اور اب سکھراورایس بی سی اے سندھ کے دیگرریجن میں بھی جلدشروع کیاجائیگا- اس آٹومیٹڈسنگل ونڈوفیسلٹی ناصرف وقت کی بچت کرے گا بلکہ شفافیت،جوابدہی اور بہترین سروس ڈلیوری کو یقینی بنائے گا ،ہماری کوشش ہے کہ عوام کو جدید ترین سہولیات فراہم کی جائیں اورتعمیراتی صنعت کو ایسے پلیٹ فارم سے جوڑا جائے جو عالمی معیار کے مطابق ہو-اس نظام کے تحت400 اسکوائرگزکی عمارات اور مکانات کی منظوری آٹومیٹڈسنگل ونڈوفیسلٹی کے ذریعے قلیل مدت میں حاصل کی جاسکے گی- عوام کوبہتراور جدید سہولیات فراہم کرنا چیئرمین پیپلزپارٹی بلاول بھٹوکا ویژن ہے اور اس کو پورا کرنے کے لیے وزیر اعلیٰ سندھ ، تمام وزراءسمیت پی پی پی رہنماﺅ ں و کارکنان اپنابھرپور کردار ادا کررہے ہیں اور آج آٹومیٹڈسنگل ونڈوفیسلٹی کا افتتاح بھی پی پی پی کے ویژن کو پورا کرنے کی جانب ایک قدم ہے-انہوں نے مزید کہا کہ ہم حیدرآباد کے زیادہ سے زیادہ مسائل حل کرنے کی کوشش میں لگے ہو ئے ہیںجن میں سے کچھ حل کرلیے گئے ہیں اور کچھ پر کام شروع کیاجائیگا- انہوں نے مزید کہا کہ ہم لوکل کونسلوں کومزیدمستحکم کریں گے تاکہ مسائل جلد حل ہوسکیں-
ریجنل ڈائریکٹر سندھ بلڈنگ کنٹرول اتھارٹی حیدرآبادکے آفس میں "آٹومیٹڈسنگل ونڈوفیسلٹی حیدرآباد چیپٹر”کا افتتاح
