ڈی جی ایل ڈی اے طاہر فاروق نے شہر میں جاری و مجوزہ ترقیاتی منصوبوں کی سائٹ کا دورہ کیا۔ ڈی جی ایل ڈی اے طاہر فاروق نے زیر تعمیر نیلا گنبدانڈر گراؤنڈ پارکنگ پلازہ منصوبے کا دورہ کیا۔چیف انجینئر ٹیپا اقرار حسین بھی ہمراہ تھے۔نیلا گنبد مزار کے اطراف سے تجاوزات و املاک ہٹانے سے گنبد کی شکل واضح ہو گئی ہے،عرصہ دراز کے بعد نیلا گنبد مزار شہریوں کو باہر سڑک سے نظر آنے لگا ہے۔ڈی جی ایل ڈی اے طاہر فاروق نے نیلا گنبد منصوبے کے جاری تعمیراتی کاموں کا جائزہ لیا۔پراجیکٹ ڈائریکٹر نے منصوبے پر جاری کاموں بارے بریفنگ دی۔نیلا گنبد زیر زمین پارکنگ پلازہ منصوبے کے تعمیراتی کام دن رات جاری ہیں۔ نیلا گنبد پارکنگ منصوبے کی 357 پائلیں مکمل کر لی گئیں، 100 پائلیں باقی ہیں۔منصوبے کے 115 میٹر کیپ بیم مکمل، اوقاف کے 70 فیصد سے زائد سٹرکچر مسمارکر دیئے گئے ہیں، کام جاری ہے۔نیلا گنبد منصوبے سے منسلک تمام سروسز منتقل کر دی گئی ہیں۔آئندہ چند روز میں انڈر گراؤنڈ پارکنگ کے لیے کھدائی کا کام شروع کر دیا جائے گا۔ ڈی جی ایل ڈی اے نے کام کے معیار اور رفتار پر زیرو ٹالرنس اپنانے کی ہدایت کی۔بعدازاں ڈی جی ایل ڈی نے داتا دربار اور بھاٹی چوک کی توسیع و ری ماڈل منصوبے کی سائٹ کا بھی دورہ کیا۔
