ایل ڈی اے کا غیرقانونی ہاؤسنگ سکیموں کے خلاف آپریشن، الفلاح کوآپریٹوز،سیرین آرچرڈز، فارم سٹی، لی گرین فارمز، الکازر فارمز، حاشیر گارڈن،آرچرڈ گرینز اور بیدیاں گیٹڈ فارمز شامل

ڈی جی ایل ڈی اے طاہر فاروق کی ہدایت پر ایل ڈی اے ٹیموں کی غیرقانونی ہاؤسنگ سکیموں کے خلاف بلا امتیاز کارروائیاں جاری ہیں۔ ڈائریکٹر میٹرو پولیٹن زون فور نےبیدیاں روڈ پرواقع 9غیر قانونی ہاوسنگ سکیموں کے خلاف آپریشن کیا۔ایل ڈی اے ٹیموں نے غیرقانونی سکیموں کے دفاترسربمہرجبکہ باؤنڈری وال، گیٹ، سڑکیں و دیگر سٹرکچر مسمار کر دیا۔غیرقانونی ہاؤسنگ سکیموں الفلاح کوآپریٹوز،سیرین آرچرڈ ز، فارم سٹی، لی گرین فارمز، الکازر فارمز،الکازر فارمزفیز ٹو، حاشیر گارڈن،آرچرڈ گرینز، بیدیاں گیٹڈ فارمز کے خلاف کارروائی کی گئی۔آپریشن چیف میٹرو پولیٹن پلاننگ کی زیر نگرانی کیا گیا۔آپریشن سے قبل ان غیر قانونی سکیموں کو متعدد نوٹس جاری کیے گئے تھے۔ڈی جی ایل ڈی اے کی ہدایت پر غیرقانونی رہائشی سکیموں، غیرقانونی تعمیرات و کمرشل سرگرمیوں کے خلاف بلاامتیاز کارروائیاں جاری ہیں۔