وزیر اعلیٰ خیبر پختونخوا محمد سہیل آفریدی کی زیر صدارت بی آر ٹی سروس کی جمرود اور باڑہ بازار توسیع بارے اجلاس منعقدہوا، وزیر اعلٰی نے بی آر ٹی سروس کی توسیع کے لیے کم سے کم وقت میں ہوم ورک مکمل کرنے کی ہدایت کی۔محمد سہیل آفریدی نے کہا کہ بی آر ٹی سے ضلع خیبر کے عوام کو محفوظ، معیاری اور سستی سفری سہولت میسر ہوگی۔ بی آر ٹی توسیع سے پشاور اور ضلع خیبر کے درمیان آمد و رفت مزید آسان ہو جائے گی۔ بی آر ٹی توسیع سے ٹریفک دباؤ اور ماحولیاتی آلودگی میں کمی ہوگی۔ووزیراعلٰی حمد سہیل آفریدی کو بی آر ٹی سروس کے لیے درکار انفراسٹرکچر ، بسیں اور آپریشنل امور پر بریفنگ دی گئی۔ بی آر ٹی سروس کے لیے 50 کروڑ روپے کی لاگت سے کارخانوں اسٹیشن پر ریمپت کی تعمیر کا فیصلہ ہوا۔بریفنگ میں بتایا گیا کہ جمرود اور باڑہ بازار بی آر ٹی سروس شروع کرنے کے لیے 12 میٹر کی 12 نئی بسیں خریدی جائیں گی. کارخانوں مارکیٹ تا جمرود بازار 5 کلومیٹر فاصلے پر 8 بس سٹاپ قائم کیے جائیں گے. پشتخرہ تا باڑہ بازار 7 کلومیٹر فاصلے پر 10 بس سٹاپ قائم کیے جائیں گے۔
