خیبرپختونخوا سٹیز امپروومنٹ پراجیکٹ کی 9ویں پراجیکٹ سٹیئرنگ کمیٹی کا اجلاس ایڈیشنل چیف سیکرٹری (P&DD) اسلام زیب کی زیر صدارت منعقد ہوا جس میں منصوبے کی پیش رفت کا جائزہ لیا گیا اور اس پر عملدرآمد کے اہم امور پر تبادلہ خیال کیا گیا۔
کمیٹی نے فزیکل اور مالیاتی پیش رفت، پروکیورمنٹ سٹیٹس اور پروجیکٹ کے تحت حاصل کیے گئے اہم سنگ میلوں کا جائزہ لیا۔ پشاور، ایبٹ آباد، کوہاٹ، مردان، اور مینگورہ (سوات) میں شہری خدمات کی فراہمی کو بہتر بنانے پر بات چیت ہوئی۔کے پی سی آئی پی، لوکل گورنمنٹ، حکومت خیبر پختونخواہ کے ذریعے، ایشیائی ترقیاتی بینک (ADB) اور ایشیائی انفراسٹرکچر انویسٹمنٹ بینک (AIIB) کی مالی مدد سے نافذ کیا گیا ہے، جس کا مقصد پانی کی فراہمی، صفائی ستھرائی اور سالڈ ویسٹ مینجمنٹ سسٹم کو بڑھانا ہے جبکہ واٹر اینڈ سینی ٹیشن سروسز کمپنیوں (WSSCs) کی ادارہ جاتی صلاحیت کو مضبوط بنانا ہے۔ کمیٹی نے عمل درآمد کے کلیدی چیلنجوں کا بھی جائزہ لیا اور خیبرپختونخوا کے عوام کے لیے بہتر میونسپل سروسز، موسمیاتی لچکدار انفراسٹرکچر اور بہتر شہری معیار زندگی کو یقینی بنانے کے لیے منصوبے پر عمل درآمد کو تیز کرنے کے لیے اسٹریٹجک رہنمائی فراہم کی۔
