چیف سیکرٹری پنجاب زاہد اختر زمان کی زیر صدارت سول سیکرٹریٹ میں اہم اجلاس منعقد ہوا ۔ اشیائے ضروریہ کی قیمتوں اور دستیابی کا جائزہ لیا گیا ۔وفاقی حکومت کی ہدایت پر ڈپٹی کمشنرز کو پیٹرولیم مصنوعات کی ذخیرہ اندوزی کیخلاف فوری کریک ڈاؤن شروع کرنے کے احکامات جاری کئے گئے۔چیف سیکرٹری پنجاب زاہد اختر زمان نے کہا کہ پیٹرولیم مصنوعات کی ذخیرہ اندوزی کرنیوالوں کے خلاف سخت ایکشن لیا جائے گا۔رمضان کے آخری عشرے میں پرائس کنٹرول اقدامات مزید سخت کرنے کا حکم دیتے ہوئے ہدایت کی کہ مہنگائی سے ریلیف کی فراہمی کیلئے انتظامی اقدامات کا تسلسل برقرار رکھا جائے۔
