وزیراعلی مریم نواز شریف نے گوجرانوالہ کے ہر علاقے کو فیڈر بس کے ذریعے میٹرو ٹرین سے منسلک کرنے کا حکم دیا ہے-ٹریفک کی آسانی کے لئے گوجرانوالہ ماس ٹرانزٹ سسٹم میں دو ٹنل سیکشن بنانے کا فیصلہ کیا گیاہے-17 سے 19 کلومیٹر گوجرانوالہ ماس ٹرانزٹ ٹرین انڈرگراؤنڈ گزارنے کی اصولی منظوری دی گئی-گوجرانوالہ ماس ٹرانزٹ سسٹم میں ہر اسٹیشن اور ڈپو پر سولر سسٹم بھی لگایا جائے گا-وزیراعلیٰ مریم نواز شریف کی زیر صدارت اہم اجلاس منعقد ہوا،جس میں تفصیلی بریفنگ دی گئی-گوجرانوالہ میں 26 لاکھ مسافروں کے سفر کی گنجائش کیلئے ماس ٹرانزٹ سسٹم قائم ہوگا-گکھڑ تا ایمن آباد31.5 کلومیٹر طویل گوجرانوالہ ماس ٹرانزٹ سسٹم کی تکمیل کے لئے 12 ماہ کی مدت مقررکردی گئی ہے-گوجرانوالہ ماس ٹرانزٹ سسٹم میں 24 اسٹیشن بنیں گے، دوا سٹیشن انڈر گراؤنڈ ہوں گے-گرجاکھ، چن دا قلعہ، گوندلا والا میں ماس ٹرانزٹ سسٹم ڈپو قائم ہوں گے-گوجرانوالہ ماس ٹرانزٹ سسٹم کے دونوں اطراف میں 62 کلومیٹر طویل ڈرین بھی بنے گی- گوجرانوالہ ماس ٹرانزٹ سسٹم کاباقاعدہ کمانڈ اینڈ کنٹرول سنٹر بھی قائم ہوگا-وزیراعلی مریم نوازشریف نے کہاکہ گوجرانوالہ ماس ٹرانزٹ سسٹم بننے سے شہر کا ٹرانسپورٹ کلچر بدل جائے گا۔گوجرانولہ کے شہریوں کے لئے ایک شاندار ٹرانسپورٹ سسٹم کا تحفہ دیں گے۔
*وزیراعلیٰ پنجاب مریم نواز شریف نے گوجرانوالہ ماس ٹرانزٹ سسٹم کے ڈیزائن کی منظوری دے دی*
