وزیراعلٰی پنجاب مریم نوازشریف کی ہدایت پر پنجاب میں ٹماٹر اور پیاز کی پیداوار بڑھانے کے لئے پہلی مرتبہ پائیدار اقدامات کا آغاز کردیا گیاہے جس کے تحت سبزیوں بالخصوص ٹماٹر اور پیاز کی میکانائزڈ فارمنگ کا پراجیکٹ لانچ کیا گیا ہے جس پر 3 ارب روپے لاگت آئے گی-وزیراعلی مریم نوازشریف کی ہدایت پر سبزیو ں کی میکانائز فارمنگ کے لئے پلانٹر،پرونرز، سپرئیر اور دیگر زرعی آلات پر 70فیصد سبسڈی دی جائے گی -کاشتکار کو صرف 30فیصد ادا کرنا ہوں گے اسی طرح ویلیو ایڈیشن کے لئے پلپنگ یونٹ، ڈرائر اور گریڈرز خریدنے پر بھی حکومت پنجاب 70فیصد سبسڈی دے گی-وزیراعلی مریم نوازشریف کی ہدایت پر زیر کاشت رقبے اورپیداوار میں اضافے کے لئے لودھراں، ملتان اور وہاڑی کے اضلاع کو پیازجبکہ ٹماٹر کے لئے خوشاب،شیخوپورہ اور مظفر گڑھ کے اضلاع کو منتخب کیا گیا ہے-مذکورہ 6اضلاع میں 25ایکڑ تک اراضی مالکان کے فارمر انٹر پرائز گروپس بنانے کا فیصلہ کیاگیا-فارمر گروپس کو خصوصی طورپر فارمرز فیلڈ سکول میں جدید طریقہ زراعت اور سمارٹ طریقہ کاشت کے بارے میں ٹریننگ دی جائے گی -وزیراعلی مریم نوازشریف کے ویژن کے مطابق فارمرز گروپس کو انٹرنیشنل مارکیٹ سے بھی منسلک کیا جائے گا -وزیراعلی مریم نوازشریف نے کہنا ہے کہ پنجاب کے کاشتکار وں کو خوشحال اور خوش دیکھنا میرا عزم ہے-پنجاب میں پہلی مرتبہ سبزیوں کی کاشت کے لئے باقاعدہ طورپر منظم او رمربوط پراجیکٹ شروع کئے کئے جا رہے ہیں -میکانائزڈ اور گروپ فارمنگ سے نہ صرف سبزیو ں کی پیداوار بڑھے گی بلکہ لاگت بھی کم ہوگی – وزیراعلی مریم نوازشریف نے کہاکہ ٹماٹراورپیاز عام آدمی کی روز مرہ کی ضرورت ہے -ٹماٹر اورپیاز مہنگے بیچنے کی اجازت نہیں دے سکتے- عام آدمی کی آسانی اور خوشی کے لئے ہر اقدام کریں گے- وزیراعلی مریم نوازشریف نے کہا کہ اللہ تعالی کے فضل وکرم سے او رٹیم کی شب وروز محنت سے پنجاب میں اشیائے خورد و نوش ہر صوبے کی نسبت سب سے سستی میسرہیں اور اس کے ساتھ نرخ کی دن رات مانیٹرنگ بھی کی جارہی ہے- یہ امر قابل ذکر ہے کہ ایگریکلچر ٹرانس فارمیشن پراجیکٹ کے لئے ہیلپ لائن 0800-17000 قائم کردی گئی ہے- سبزیوں کی کاشت میں دلچسپی رکھنے والے کا شتکار ایگریکلچر ڈیپارٹمنٹ کی ویب سائٹ،فیس بک یا متعلقہ اصلاح آبپاشی دفاتر سے بھی رابطہ کر سکتے ہیں –
Read Next
10 گھنٹے ago
حکومت پنجاب نے 12 ایڈیشنل اسسٹنٹ کمشنرز کے تقرروتبادلے کے احکامات جاری کر دیئے،نوٹیفکیشن
13 گھنٹے ago
وزیراعلیٰ پنجاب مریم نواز شریف کی زیرصدارت خصوصی اجلاس،خواتین اور بچوں کے تحفظ کیلئے فیصلہ کن قانونی اقدامات پر غور
2 دن ago
خوشحال دیہات پروگرام کیلئے 23.85 ارب روپے کی منظوری،فیز ون میں 475 گاؤں شامل
3 دن ago
پنجاب،بیوروکریسی تقرروتبادلے،مدثر وحید ملک ایم ڈی پیپرا،نوید شہزاد مرزا ڈی جی لیبر،ڈی سی ساہیوال کو کمشنر کا اضافی چارج
3 دن ago





