حکومت پنجاب نے متعدد افسران کے تقرروتبادلے کے احکامات جاری کئے ہیں۔چیف سیکرٹری پنجاب کی جانب سے جاری نوٹیفکیشن کے مطابق تقرری کے منتظر وسیم احمد کو ایڈیشنل ڈائریکٹر جنرل (ہاؤسنگ)، لاہور ڈویلپمنٹ اتھارٹی تعینات کر دیا گیا ہے۔
کیپٹن ریٹائرڈ اسامہ مجید چیمہ جو اس وقت ڈائریکٹر جنرل، پنجاب فوڈ اتھارٹی (PFA) کے اختیار میں ہیں، کو فوری طور پر تبدیل کر کے ایڈیشنل ڈائریکٹر جنرل (Hqrs.)، لاہور ڈویلپمنٹ اتھارٹی تعینات کیا گیا ہے ۔غلام سرور ایڈیشنل ڈپٹی کمشنر (جنرل) سرگودھا کو فوری طور پر تبدیل کر کے ایڈیشنل ڈپٹی کمشنر (جنرل) نارووال تعینات کیا گیا ہے۔ وہ اگلے احکامات تک اپنی ذمہ داریوں کے علاوہ منیجنگ ڈائریکٹر، سُتھرا پنجاب ایجنسی، نارووال کے عہدے کا اضافی چارج بھی سنبھالیں گے۔عنبرین چوہدری ایڈیشنل ڈپٹی کمشنر (جنرل)، نارووال کو فوری طور پر تبدیل کیا گیا ہے اور مسٹر غلام سرور کی جگہ ایڈیشنل ڈپٹی کمشنر (جنرل) سرگودھا تعینات کیا گیا ہے۔ وہ اگلے احکامات تک اپنی ذمہ داریوں کے علاوہ منیجنگ ڈائریکٹر ستھرا پنجاب ایجنسی سرگودھا کے عہدے کا اضافی چارج بھی سنبھالیں گی۔
