وزیر اعلیٰ پنجاب مریم نواز شریف نے لاہور ڈویلپمنٹ پلان میں شفافیت کو یقینی بنانے پر زور دیا. ڈپٹی کمشنر لاہور سید موسٰی رضا کی صدارت لاہور ڈویلپمنٹ پلان پر عملدرآمد کے حوالے سے اہم اجلاس ہوا. ڈپٹی کمشنر لاہور نے شفافیت کے لئے ای ٹینڈرنگ پر خصوصی اجلاس کی صدارت کی. ٹریننگ کے ذریعے شرکاء کو ای ٹینڈرنگ کے طریقہ کار اور فوائد سے آگاہ کیا گیا.
انہوں نے کہا کہ ای ٹینڈرنگ / رشوت اور سفارش کے خاتمے کے آغاز اور شفافیت کا باعث بنے گا اور ای ٹینڈرنگ: شفاف عوامی خدمت کے نئے دور کا پہلا زینہ ثابت ہو گا. ڈی سی لاہور نے کہا کہ بڈنگ عمل میں شفافیت کے لیے ای-ٹینڈرنگ کا استعمال کیا جا رہا ہے. انہوں نے کہا کہ لاہور ڈویلپمنٹ پلان شہر کی گلیوں کی بحالی و تعمیر کے لئے ایک میگا پراجیکٹ ہے. ڈی سی سید موسیٰ رضا نے کہا کہ منصوبے میں پانی کی فراہمی، نکاسی، گلیوں ، چھوٹی سڑکوں کے ساتھ ساتھ سٹریٹ لائیٹس کی بحالی شامل ہے. انہوں نے کہا کہ ہر زون میں پائیدار نکاسی اور سیوریج کے لئے مکمل طور پر خود مختار ڈسپوزل سسٹم بنایا جائے گا اور ڈویلپمنٹ پلان میں تھرڈ پارٹی آڈٹ کے علاوہ ماحولیاتی ماہرین کی مشاورت بھی شامل ہو گی. ڈی سی لاہور نے کہا کہ ای-ٹینڈرنگ کے ذریعے ٹینڈر اوپن کرنے کی تاریخ 8 نومبر مقرر ہے. چیف آفیسر میٹرو پولیٹن کارپوریشن شاہد عباس کاٹھیا، ایڈیشنل ڈپٹی کمشنر فنانس اینڈ پلاننگ مدثر نواز، تمام اسسٹنٹ کمشنرز اور دیگر افسران نے اجلاس میں شرکت کی.
