ستھرا پنجاب ایجنسی لاہور کی جانب سے یومِ شہادت حضرت علی رضی اللہ عنہ کے موقع پر زائرین کے لیے بہترین صفائی سہولیات کی فراہمی یقینی بنائی گئی۔642 سے زائد ورکرز نے تینوں شفٹوں میں مجالس اور جلوس کے روٹس پر صفائی کے فرائض سرانجام دیئے۔ڈی جی ستھرا پنجاب اتھارٹی بابر صاحب دین کی ہدایت پر 21 رمضان المبارک سے قبل مجالس اور جلوسوں کے تمام روٹس کی مکمل صفائی کی گئی۔موچی گیٹ، ایک موریہ پل، شاہ عالم چوک، انارکلی، اردو بازار، بھاٹی چوک، کربلا گامے شاہ اور ملحقہ تمام راستوں پر ستھرا پنجاب کا عملہ اور مشینری صفائی انتظامات کے لیے متحرک رہی۔سیکریٹریٹ، چوک چوبرجی، کچہری چوک، ایم اے او کالج، تھانہ لوئر مال، سلیم ماڈل سکول، پی ایم جی چوک، جی سی کالج گیٹ اور ٹاؤن ہال سے ملحقہ سڑکوں پر بھی آپریشن ٹیمیں صفائی انتظامات یقینی بنانے کے لیے موجود رہیں جبکہ سرکل روڈ اور آؤٹ فال روڈپر 2 واشرز رات کی شفٹ میں واشنگ پر تعینات رہے۔مزید برآں مجالس اور جلوس سے قبل اور بعد تمام روٹس کی صفائی کے لیے دو مکینیکل واشرز کی مدد سے واشنگ بھی کی گئی۔جلوس کے راستوں پر بروقت ویسٹ کلیئرنس کے لیے 16 لوڈر رکشے تعینات رہے۔ڈی جی ستھرا پنجاب بابر صاحب دین کا کہنا ہے کہ شہریوں کو ہر موقع پر صفائی کی بہترین سہولیات فراہم کرنا ادارے کی اولین ترجیح ہے۔یوم شہادت حضرت علی رضی اللہ عنہ کے موقع پر ستھرا پنجاب کی ہیلپ لائن 1139 اور سوشل میڈیا پر موصول ہونے والی صفائی سے متعلق شکایات کا فوری ازالہ کیا گیا۔
ستھرا پنجاب ایجنسی لاہور کے یوم شہادت حضرت علی رضی اللہ عنہ کے موقع پر صفائی کے بہترین انتظامات
