*لاہور۔یوم شہادت علی مرکزی جلوس روایتی روٹ پر رواں دواں۔کمشنرلاہور کا انتظامات جائزہ*

کمشنر لاہور مریم خان و سی سی پی او لاہور بلال صدیق کمیانہ کا یوم شہادت علی کے موقع پر مرکزی جلوس روٹس کا دورہ کیا۔ انہوں کہا بھاٹی دروازے ایریا کا دورہ کیا۔ اس موقع پر ڈی سی لاہور کیپٹن ر علی اعجاز اور سی ٹی او لاہور ڈاکٹر اطہر وحید بھی ہمراہ موجود تھے۔اس موقع پر گفتگو کرتے ہوئے کمشنر لاہور مریم خان نے کہا کہ یوم شہادت علی مرکزی جلوس روایتی روٹ پر رواں دواں ہے، جلوس بروقت برآمد ہوا ہے اور اپنے شیڈول کے مطابق کربلا گامے شاہ اختتام پزیر ہوگا۔ انہوں نے کہا کہ ضلعی انتظامیہ اور لاہور پولیس کی جانب سے سکیورٹی کے فول پروف انتظامات کئے گئے ہیں، پولیس، انتظامیہ اور متعلقہ ادارے جلوس کے ہمراہ موجود ہیں، مرکزی کنٹرول روم و مانیٹرنگ سنٹر سے لائیو نگرانی کا نظام فعال ہے۔سی سی پی او بلال صدیق کمیانہ نے کہا کہ ”یوم شہادت علی مرکزی جلوس“ کیلئے پولیس ہائی الرٹ پر ہے، خواتین عزاداروں کی سکیورٹی کیلئے لیڈی پولیس اہلکار تعینات ہیں۔ انہوں نے کہا مجالس اور عزاداری جلوسوں کے اختتام پزیر ہونے تک سکیورٹی ہائی الرٹ رہے گی۔