ستھرا پنجاب ایجنسی لاہور کی جانب سے رمضان کی پرنور سعادتوں میں روزہ داروں کو صاف ماحول کی فراہمی ممکن بنانے کے لیے صفائی کے احسن اقدامات کا سلسلہ جاری ہے۔ ستھرا پنجاب ایجنسی لاہور آپریشن ٹیموں نے رمضان صفائی پلان پر عملدرآمد یقینی بناتے ہوئے آخری عشرے کی مناسبت سے 1500 مساجد کی صفائی دھلائی کا ہدف مکمل کر لیا ہے۔ ڈی جی ستھرا پنجاب اتھارٹی بابر صاحب دین کی ہدایت پر تمام ٹاؤنز میں تراویح کے مقامات، جامع مساجد اور ممکنہ راستوں پر خصوصی صفائی ٹیمیں تعینات ہیں جبکہ ضلعی انتظامیہ کی جانب سے لگائے جانے والے 23 رمضان سہولت اور نگہبان بازاروں میں ورکرز صفائی فرائض پر تعینات ہیں۔عوام کی سہولت کیلئے رمضان سہولت بازاروں کے اطراف اضافی کنٹینرز اور ویسٹ بنز نصب کی گئی ہیں۔رمضان سہولت بازاروں میں صبح اور شام کی شفٹ میں ورکرز صفائی انتظامات پر مامور ہیں۔ شہر میں سجنے والے نگہبان افطار دستر خوانوں کی صفائی پر بھی عملہ تعینات ہے۔ شہر میں موجود 250 چھوٹے بڑے قبرستانوں کی صفائی کا عمل بھی جاری ہے۔ مزید برآں رمضان سہولت بازار سے موصول ہونے والی شکایات کو فوری حل کیا جا رہا ہے۔ شہریوں سے بھی گزارش ہے کہ صفائی سے متعلق شکایت کی صورت میں ستھرا پنجاب کی ہیلپ لائن 1139 پر رابطہ کریں۔
