سندھ کرافٹ فیسٹیول، صوبائی وزیر بلدیات سعید غنی کا دورہ، میڈیا سے گفتگو

سندھ کرافٹ فیسٹیول، صوبائی وزیر بلدیات سعید غنی کا فیسٹیول کا دورہ کیا۔صوبائی وزیر سید ذوالفقار علی شاہ نے سعید غنی کا استقبال کیا۔سید ذوالفقار علی شاہ نے سعید غنی کو سندھی اجرک اور ٹوپی کا تحفہ پیش کیا گیا۔صوبائی وزیر سعید غنی نے مختلف اسٹالز کا دورہ کیا اور ہنرمندوں سے ملاقات کی.سندھ کرافٹ فیسٹیول میں صوبائی وزیر سعید غنی میڈیا سے گفتگو کرتے ہوئے وزیر بلدیات سندھ سعید غنی نے کہا کہ سندھ کلچرل ڈیپارٹمنٹ مختلف ایونٹ کرتا رہتا ہے۔ کراچی بہت بڑا شہر ہے، اگلے دو دن بڑی تعداد میں لوگ اس ایونٹ میں آئینگے۔مختلف فنکار بھی یہاں اپنے فن کا مظاہرہ کریں گے۔ کچھ محنت کش چیزیں بنا کر آئے اور کچھ یہاں بنا بھی رہے یہ چیز منفرد ہے۔روایتی ثقافتی اشیاء سستے داموں یہاں دستیاب ہیں۔

ہماری ثقافتی چیزوں کی بہت مانگ ہے۔ اچھی بات ہے کہ ہمارا کلچر آگے پھیل رہا۔پی ٹی آئی کی 24 نومبر کی کال کے بارے میں سوال کا جواب میں سعید غنی نے کہا کہ پی ٹی آئی نے پہلی دفعہ تو یہ نہیں کیا۔یہ پہلے بھی کئی بار آخری کال دے چکے ہیں۔ پچھلی بار جیسے وزیر اعلیٰ خیبرپختونخوا آئے اسی طرح ہاتھ لگا کر چلے جائیں گے۔ اس بار بھی ہونا کچھ نہیں ہے۔سیاسی سرگرمیوں پر پابندی نہیں ہونی چاہیئے۔اگر نقصان پہنچانے کی کوشش کریں گے تو ان کو باز رکھنا ریاست کی زمہ داری ہے۔ پی ٹی آئی سیاسی جماعت سے زیادہ انتشاری جماعت بن گئی ہے۔