محکمہ بلدیات پنجاب، 18 چیف افسران کے تقرر و تبادلے، تین او ایس ڈی،ڈسکہ کا سی او بھی تبدیل

لاہور(بلدیات ٹائمز رپورٹ)محکمہ بلدیات پنجاب نے 18 چیف افسران کے تقرروتبادلے کے احکامات جاری کر دیئے ہیں۔تین چیف افسران کو او ایس ڈی بنا دیا گیا ہے۔وزیر بلدیات پنجاب ذیشان رفیق کے شہر میونسپل کمیٹی ڈسکہ کے چیف آفیسر کو بھی تبدیل کر دیا گیا ہے۔محکمہ بلدیات پنجاب کی طرف سے لوکل گورنمنٹ سروس انتظامی یونٹ کے افسران کے تقرروتبادلے کئے گئے ہیں۔اس سلسلہ میں جاری نوٹیفکیشن کے مطابق

تقرری کے منتظر ظفر عباس ظفر کو چیف آفیسر میونسپل کمیٹی جھنگ خالی آسامی پر تعینات کیا گیا ہے۔چیف آفیسر ضلع کونسل سیالکوٹ الفت شہزاد کو چیف آفیسر ڈسکہ لگا دیا گیا ہے۔چیف آفیسر ضلع کونسل سیالکوٹ تقرری کے منتظر فدامیر تعینات کئے گئے ہیں۔عبدالحی چیف آفیسر میونسپل کمیٹی ڈسکہ کو چیف آفیسر ایم سی پیپلاں، عمر شجاع چیف آفیسر ایم سی سمبڑیال سے چیف آفیسر کامونکی،تقرری کے منتظر عمیر دلدار کو چیف آفیسر وزیر آباد،چیف آفیسر میلسی اطہر فاروق کو حجرہ شاہ مقیم جبکہ چیف آفیسر میونسپل کمیٹی پنڈ دادنخان ملک خرم افتخار کو لوکل گورنمنٹ بورڈ رپورٹ کرنے کی ہدایت کی گئی ہے۔عمر ادریس چیف آفیسر سلیانوانی کو بھی او ایس ڈی بنا دیا گیا ہے۔تقرری کے منتظر عبدالرزاق کو چیف آفیسر ایم سی سلیانوانی تعینات کر دیا گیا ہے۔تقرری کے منتظر ارشد غفور کو چیف آفیسر ایم سی قمر مشانی،او ایس ڈی محمد ادریس ملک کو چیف آفیسر میونسپل کمیٹی فاروق آباد،فیاض احمد کو چیف آفیسر ایم سی کبیر والا لگایا گیا ہے۔محمد زہیر میونسپل آفیسر ریگولیشن کمالیہ کو چیف آفیسر ایم سی بھیرہ، محمد وقاص چیف آفیسر چک جھمرہ کو چیف آفیسر بھلوال ،سدرہ ظفر کو زونل آفیسر ریگولیشن میٹروپولیٹن کارپوریشن لاہور اور محمد واصف اے زیڈ او آر راوی زون ایم سی ایل کو ایڈمنسٹریٹو آفیسر کمپلینٹ اینڈ انکوائریز لوکل گورنمنٹ بورڈ لگا دیا گیا ہے۔