پنجاب میں بارشوں کی کمی کے باعث پانی کی قلت،غیر قانونی سروس اسٹیشنوں کی بندش،آئل واشنگ، لان،باغات،گرین بلٹس پانی کے بہاؤ،تعمیراتی کاموں میں زیرزمین پانی کے استعمال پر پابندی،ایک لاکھ جرمانہ،ایریا سیل،نوٹیفکیشن جاری

پنجاب میں بارشوں کی کمی کے باعث پانی کی قلت کا خدشہ ہے۔ اس صورتحال کے پیش نظر، محکمہ ماحولیات پنجاب کی جانب سے پنجاب میں اہم احکامات جاری کئے گئے ہیں۔جس کے مطابق

غیر قانونی / غیر منظور شدہ کار واش / سروس اسٹیشنوں کی فوری بندش کا حکم دیا گیا ہے۔تمام کار واش اسٹیشنوں پر 28 فروری 2025 تک واٹر ری سائیکلنگ سسٹم اور یو چینلز کی تنصیب لازمی قرار دیا گیا ہے ۔ خلاف ورزی پر 1 لاکھ روپے جرمانہ اور کار واش ایریا سیل ہوگا۔ گاڑیوں کی آئل واشنگ پر مکمل پابندی ہوگی۔گھروں میں کار دھونے اور ہوز پائپ کے استعمال پر پابندی۔ خلاف ورزی پر 10 ہزار روپے جرمانہ ہوگا۔ لان، باغات، گالف کورسز اور گرین بیلٹس میں زیادہ پانی کے بہاؤ پر پابندی ہوگی۔تعمیراتی کاموں میں زیر زمین پانی کے استعمال پر پابندی لگا دی گئی ہے۔ صرف سطحی یا ری سائیکل شدہ پانی استعمال کیا جا سکتا ہے۔  خلاف ورزی کی صورت میں پاکستان پینل کوڈ (PPC) کی دفعہ 188 کے تحت قانونی کارروائی کی جائے گی۔ڈی جی ادارہ تحفظ ماحول کی جانب سے نوٹیفکیشن جاری کر دیا گیا ہے۔