پنجاب بھر میں چینی کی سپلائی اور نرخوں پر عملدرآمد کا معاملہ۔۔حکومت کی جانب سے بنائی گئی کوآرڈی نیشن کمیٹی کے پہلے اجلاس میں بڑے فیصلے سامنے آئے،ترجمان پرائس کنٹرول اینڈ کماڈیٹیز مینجمنٹ ڈیپارٹمنٹ کے مطابق شوگر ملز ایسوسی ایشن اور کین کمشنر پنجاب نے عام مارکیٹ میں چینی کی سپلائی دو گنا کر دی،اب 30 فیصد کی بجائے عام مارکیٹ میں 60 فیصد چینی سپلائی یقینی بنائی جائے گی، صنعتی صارفین کو 70 کی بجائے 40 فیصد چینی سپلائی کی جائے گی،
ڈپٹی کمشنر کے جاری کردہ ہول سیلرز کو 30 فیصد جبکہ شوگر ملز کے نامزد ڈیلرز کو بھی 30 فیصد سپلائی دی جائے گی، ترجمان کا مزید بتانا تھا کہ مارکیٹ میں ناجائز ذخیرہ اندوزی اور منافع خوری سے بچنے کیلئے الگ الگ ڈیلرز کی فہرستوں کا ریکارڈ رکھا جائے گا، یاد رہے کہ سیکرٹری پرائس کنٹرول ڈاکٹر احسان بھٹہ نے کوآرڈی نیشن کمیٹی تشکیل دینے بارے ہدایات جاری کی تھیں۔
