خیبر پختونخوا حکومت کے فلیگ شپ منصوبے "سولرائزیشن آف ہاؤسز” کا عملی اجراء کر دیا . منصوبے کے اجراء کے لئے وزیراعلیٰ ہاؤس میں تقریب کا انعقاد کیا گیا ۔ وزیراعلیٰ خیبر پختونخوا علی امین خان گنڈاپور نے سکیم کا باضابطہ اجراء کردیا۔ صوبائی کابینہ اراکین ، اراکین صوبائی اسمبلی ، سرکاری حکام اور میڈیا نمائندگان بھی تقریب میں شریک ہوئے- سولرائزیشن منصوبے کے پہلے مرحلے کی پہلی کیٹگری کے تحت 32,500 گھروں کو بالکل مفت سولر یونٹس فراہم کئے جائیں گے۔ ان سولر یونٹس میں سولر پلیٹس کے علاوہ، بیٹری، پنکھے، لائٹس اور دیگر ضروری اشیاء شامل ہیں. 32,500 گھرانوں کا انتخاب ای بلاٹنگ کے ذریعے کیا گیا. سولر سسٹم کے حصول کیلئے 25 لاکھ 38 ہزار سے زائد آن لائن درخواستیں موصول ہوئیں- سولرائزیشن منصوبے کے تحت کل ایک لاکھ 30 ہزار گھرانوں کو سولر سسٹم فراہم کیا جار ہا ہے، جن میں 30 ہزار ضم اضلاع کے گھرانے شامل ہیں۔ 65 ہزار گھرانوں کو بالکل مفت جبکہ 65 ہزار گھرانوں کو آدھی قیمت اور آسان اقساط پر سولر یونٹس فراہم کئے جائیں گے ۔- منصوبے پر 2 مرحلوں میں عمل درآمد کیا جارہا ہے، 65 ہزار گھرانوں کو پہلے مرحلے جبکہ باقی 65 ہزار گھرانوں کو دوسرے مرحلے میں سولر یونٹس فراہم کئے جائیں گے. سولرائزیشن آف ہاؤسز منصوبے کی مجموعی تخمینہ لاگت 20 ارب روپے ہے
