وزیر ہاؤسنگ اینڈ اربن ڈویلپمنٹ بلال یاسین نے گورنمنٹ ڈگری کالج بلال گنج نجی سکول کے سالانہ پروگرام میں بطور مہمان خصوصی شرکت کی،عالمی یوم خواتین کی مناسبت سے عورتوں کے معاشرے کی ترقی میں کردار بارے روشنی ڈالی، اس موقع پر صوبائی وزیر کا کہنا تھا کہ بہترین معاشرے کی تشکیل میں مرد و خواتین کا کردار یکساں اہمیت کا حامل ہے، اسلام مرد کے ساتھ ساتھ عورت کو بھی سوسائٹی کے تمام شعبوں میں شانہ بشانہ کردار ادا کرنے کی اجازت دیتا ہے، تہذیب و ثقافت کے اصولوں کو مدنظر رکھ کر تمام شعبہ جات میں کردار ادا کرنیوالی مائیں، بہنیں اور بیٹیاں سلام کی مستحق ہیں، وزیر ہاؤسنگ پنجاب نے مزید کہا کہ عورت ایک ماں، بہن یا بیٹی کے روپ میں وفا کا بہترین استعارہ ہے، ملک پاکستان کی ترقی میں خواتین کا کردار مثالی اور قابل رشک ہے، اسلامی ممالک کی پہلی خاتون وزیر اعظم محترمہ بے نظیر بھٹو بہترین مثال ہیں، پاکستانی تاریخ کی پہلی وزیر اعلیٰ مریم نواز اسی سوچ کا عکاس ہیں،فاطمہ جناح، بیگم رعنا لیاقت، نگار جوھر، ملکہ ترنم، بلقیس ایدھی،عاصمہ جہانگیر، ارفع کریم ،ثمینہ بیگ اور ملالہ یوسفزئی جیسی پاکستانی خواتین کا کردار مثالی ہے، بلال یاسین نے واضح کیا کہ حکومت پنجاب خواتین کے سماجی تحفظ اور معاشی ترقی کیلئے ہر ممکن وسائل فراہم کر رہی ہے، وزیر اعلیٰ مریم نواز خواتین کی تعلیم و تربیت ، سہولیات اور معاشی تحفظ کیلئے مثالی اقدامات اٹھا رہی ہیں۔
*وزیر ہاؤسنگ اینڈ اربن ڈویلپمنٹ بلال یاسین کی گورنمنٹ ڈگری کالج بلال گنج اور نجی سکول کے سالانہ پروگرام میں بطور مہمان خصوصی شرکت*
