عید الفطر کے پیش نظر ملازمین کو قبل از وقت تنخواہوں کی ادائیگی کے لئےمحکمہ خزانہ سندھ نے بلدیاتی اداروں کو او زیڈ ٹی شیئر جاری کر دیا ہے۔مارچ کے شیئر کے حوالے سے جاری نوٹیفکیشن کے مطابق میونسپل کارپوریشنز،میونسپل کمیٹیز اور ٹاؤن کمیٹیز کو 4 ارب 13 کروڑ روپے کا او زیڈ ٹی شیئر جاری کیا گیا ہے۔ٹاؤن میونسپل کارپوریشنز جن میں کراچی،حیدر آباد،میر پور خاص،لاڑکانہ، شہید بے نظیر آباد اور سکھر شامل ہیں کے لئے 3 ارب 9 کروڑ 75 لاکھ روپے کی گرانٹ جاری کی گئی ہے۔یونین کونسلز کے لئے ایک ارب 10 کروڑ روپے کا شیئر جاری کئے گیا ہے۔
