ماہ رمضان میں کے ایم سی عملداران اور افسران کے لیے میئر کراچی کی طرف سے بہت بڑی خوش خبری۔میئر کراچی بیرسٹر مرتضیٰ وہاب نے معمولی انتظامی غفلت پر معطل کیے جانے والے ملازمین و افسران کو بحال کرنے کے احکامات جاری کر دیئے ہیں۔بحال کرنے کا مقصد ان افسران و ملازمین کی عید کی خوشیوں کو دوبالا کرنا ہے،میئر کراچی بیرسٹر مرتضیٰ وہاب نے کہا ہے کہ بحال ہونے والے افسران و ملازمین کو ہدایت کی گئی ہے کہ وہ آئندہ انتظامی غفلت نہ برتیں۔بحال ہونے والے افسران و ملازمین میں اختیارات سے تجاوز کرنے والے،مالی بے ضابطگی اور سنگین نوعیت کی انتظامی بدعنوانی کرنے والے شامل نہیں ہیں۔ایسے افسران جن کے خلاف عدالتی کارروائی،انکوائری جاری ہے یا ان پر الزامات ثابت ہوچکے ہیں بحال ہونے والوں میں شامل نہیں ہیں۔
