کمشنر لاہور زید بن مقصود کی زیر صدارت شہر کے ٹریفک چوکنگ پوائنٹس کے حوالے سے اجلاس منعقد ہوا۔ سی ٹی او لاہور اور ٹیپا نے شہر میں ٹریفک چوکنگ پوائنٹس، وجوہات اور انٹروینشنز پر بریفنگ دی۔ کمشنرلاہور نے شناخت کردہ ٹریفک چوکنگ پوائنٹس میں انٹروینشنز کے لیے پہلے ماک مشق کرانے کی ہدایت کردی ۔ کمشنر لاہور نے ہدایت کی کہ ٹریفک ایجوکیشن اور ٹریفک آگاہی کے لیے بھی پلان مرتب کیا جائے۔ کمشنرلاہور کو بریفنگ میں بتایا گیا کہ شہر میں متفرق جگہوں پر تجاوزات، پارکنگ کمی بھی ٹریفک چوکنگ کا باعث ہیں۔ کمشنر لاہور نے ٹریفک کاونٹ، کاربن اخراج کی بنیاد پر ٹریفک چوکنگ پوائنٹس کی فہرست تیار کرنے کی ہدایت کر دی۔ کمشنر لاہور زید بن مقصود نے کہا کہ ٹریفک چوکنگ پوائنٹس کو معمولی انٹروینشن، چوک ڈیزائین تبدیلی اور بڑی انٹروینشنز سے کلیئر کیا جاسکتا ہے۔ کمشنر لاہور نے کہا کہ ٹریفک پولیس و ٹیپا کی جوائنٹ کمیٹی نے شہر میں مختلف چوکنگ پوائنٹس کی نشاندہی کی ہے۔شہر کی بعض سڑکوں و چوکوں پر ٹریفک انجینئرنگ، روڈ ڈیزائین میں معمولی انٹروینشنز کی ضررت ہے۔ انہوں نے کہا کہ کمرشل عمارات کے منظور شدہ پارکنگ ایریاز میں پارکنگ ہی ہونی چاہیے۔ انفورسمنٹ کرائیں۔ کمشنر لاہور کو بریفنگ میں بتایا گیا کہ ٹیپا اور ٹریفک پولیس نے شہر میں 81 معمولی تا بڑے چوکنگ پوائنٹس شناخت کیے ہیں ۔ کمشنر لاہور نے کہا کہ روڈ ڈیزائین تبدیلی، پیچ ورک، سائن بورڈز، ٹائر کلرز انسٹالیشنز کے ذریعے ٹریفک روانی کو قائم کیا جاسکتا ہے۔ اجلاس میں ڈی سی لاہور رافعہ حیدر، ڈی جی ایل ڈی اے طاہر فاروق، سی ٹی او لاہور عمارہ اطہر، چیف انجینئر ٹیپا اقرار حسین نے شرکت کی جبکہ ڈی سی لاہور نے بزریعہ ویڈیو لنک شرکت کی۔
