*شہر میں“ ہینگنگ وائرز”خاتمہ پلان،کمشنر لاہور مریم خان و ڈی سی لاہور کیپٹن ر علی اعجاز کا کوئینز روڈ کا اچانک دورہ*

کمشنر لاہور مریم خان نے شہر میں "ہینگنگ وائرز” خاتمہ پلان پر عملدرآمد جائزہ کے لئے کوئینز روڈ کا اچانک دورہ کیا۔ اس موقع پر ڈی سی لاہور کیپٹن ر علی اعجاز بھی ہمراہ موجود تھے۔ لٹکتی و جھولتی تاروں کا خاتمہ اولین ترجیح، 5ایریاز میں آپریشنز شروع ہے۔ کمشنر لاہور نے شہر میں لٹکی تاروں کے خاتمے کے حوالے سے جاری آپریشنز کا جائزہ لیا۔ قبل از فیلڈ دورہ کمشنر لاہور مریم خان نے سرکاری و نجی محکموں کے ساتھ ہینگنگ وائرز کے حوالے سے اجلاس کی صدارت بھی کی۔اس موقع پر گفتگو کرتے ہوئے کمشنرلاہور نے کہا کہ تمام سرکاری و نجی سٹیک ہولڈرز سے مکمل مشاورت کے بعد فیلڈ آپریشنز شروع کیے جارہے ہیں، ہیگنگ وائرز کے حوالے سے حکومتی ہدایات پر من و عن عملدرآمد ہوگا۔ انہوں نے کہا کہ لیسکو ٹیمیں تشکیل۔ پٹاپا، لیسکو، ایم سی ایل، ضلعی انتظامیہ کی جوائنٹ ٹیمیں ہیگنگ وائرز خاتمہ پلان پر بلا تاخیر عملدرآمد یقینی بنائیں۔ لیسکو، پی ٹی سی ایل اور نجی کمپنیوں کی لٹکتی و جھولتی تاروں کو ختم کیا جائیگا۔ کمشنر لاہور نے کہا کہ ضلعی انتظامیہ، ایل ڈی اے، ٹیپا، پٹاپا، ٹیپا پلان کا جائزہ لے اور پٹاپا کے نمائندے ہر ٹیم کا حصہ ہیں، پٹاپا کی جوائنٹ ٹیموں میں شمولیت کاروبار کے تحفظ کیلئے ہے۔ انہوں نے کہا کہ لیسکو مراحل پر مشتمل مکمل اپنے پلان پر عملدرآمد کرے، ہر لیسکو سب ڈویژن میں ایس ڈی او ٹیموں کو مانیٹرنگ کرینگے۔ کمشنرلاہور نے کہا کہ احکامات واضح ہیں بلا رکاوٹ شفاف آپریشن کلین اپ ہوگا کوئی رعایت نہیں، تمام سٹیک ہولڈرز مکمل تعاون کریں آپریشن کلین اپ ہر صورت مکمل کیا جائیگا۔ انہوں نے کہا کہ بے ہنگم تاروں کا خاتمہ و ٹرے فارم میں ترتیب دینا مقصد ہے، ٹرے کلمپنگ ضروری ہے رجسٹرڈ ٹیلیکام کمپنیز انڈرگراونڈ پر کام کا پلان پیش کریں، ٹیموں میں لیسکو و کمپنیز کے اہلکار تکنیکی بنیادوں پر سسٹم کو محفوظ بنائیں۔ کمشنر لاہور نے مزید کہا کہ شہر میں جھولتی بے ہنگم کیبلز و وائرز سیفٹی اور خوبصورتی میں رکاوٹ بنتی ہیں، شہر میں بالعموم اور کئی علاقوں میں بالخصوص لٹکتی تاریں کئی مسائل کا سبب ہیں۔