گورنر پنجاب سردار سلیم حیدر خان سے گورنر ہائوس لاہور میں صحافتی تنظیموں کی جوائنٹ ایکشن کمیٹی کے عہدیداران نے ملاقات کی۔ وفد میں سی پی این ای، پی بی اے، پی ایف یو جے، اے پی این ایس، ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز (AEMAND) کے نمائندے شامل تھے۔ گورنر پنجاب سے ملاقات کرنے والے صحافتی تنظیموں کے نمائندے ارشاد عارف صدر سی پی این ای، ارشد انصاری صدر لاہور پریس کلب/سیکرٹری پی ایف یو جے، سابق صدر سی پی این ای کاظم خان، محمد عثمان وائس پریذیڈنٹ، ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز )ایمنڈ(، طارق محمود، جنرل سیکرٹری ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز، نوید کاشف پی بی اے، اے پی این ایس کے سینئر نائب صدر امتنان شاہد، محمد عثمان )ایمنڈ(شامل تھے۔ملاقات کے دوران جنرل سیکرٹری پیپلزپارٹی وسطی پنجاب حسن مرتضی، سابق ایم پی اے مخدوم مرتضی محمود، شہزاد سعید چیمہ انفارمیشن سیکرٹری وسطی پنجاب بھی موجود تھے ۔صحافتی تنظیموں کے نمائندوں نے گورنر پنجاب کو ہتک عزت بل بارے تحفظات سے آگاہ کیا۔گورنر پنجاب سردار سلیم حیدر خان نے کہا کہ ہتک عزت بل پر تمام اسٹیک ہولڈرز سے مشاورت بہت ضروری ہے۔ انہوں نے کہا کہ میری پوری کوشش ہو گی کہ آئندہ چند روز میں ہتک عزت بل پر تمام اسٹیک ہولڈرز کو مشاورت کے لیے اکٹھا کیا جائے۔
گورنر پنجاب سردار سلیم حیدر خان سے گورنر ہاؤس میں صحافتی تنظیموں کی جوائنٹ ایکشن کمیٹی کے عہدیداران کی ملاقات
