کراچی میں 1+2 اور 1+4 موٹر کیب رکشاؤں پر 2 ماہ کی پابندی عائد کر دی گئی ہے۔ڈی آئی جی ٹریفک کی سفارش پر 144 سی آر پی سی کے تحت کارروائی ہو گی۔
15 اپریل سے 14 جون 2025 تک پابندی نافذ، خلاف ورزی پر 188 پی پی سی کے تحت کارروائی ہو گی۔شاہراہِ فیصل، آئی آئی چندریگر روڈ، شہید ملت روڈ سمیت اہم شاہراہیں پابندی کی زد میں،غیر مجاز اور خود ساختہ روٹس پر چلنے والے رکشے ٹریفک میں رکاوٹ بن رہے تھے: ٹریفک پولیس رپورٹ کے مطابق 1+4 رکشے مزار عبداللہ شاہ غازی، اسٹيڈيم روڈ، اور دیگر علاقوں میں بھی بند،کمشنر سید حسن نقوی کی جانب سے نوٹیفکیشن جاری، فوری اطلاق کا حکم دیا گیا ہے۔ٹریفک پولیس کو شکایات درج کرانے اور کارروائی کا اختیار دے دیا گیا ہے۔ تمام ایس ایچ اوز کو ہدایت جاری، پابندی کی خلاف ورزی پر سخت ایکشن ہو گا
رکشہ ڈرائیورز کو متبادل راستوں کا استعمال کرنے کی ہدایت کی گئی ہے۔ ٹریفک کے بہاؤ کو بہتر اور حادثات سے بچاؤ کے لیے فیصلہ کیا گیا: کمشنر کراچی حسن نقوی
