ایل ڈبلیو ایم سی کا فیروز پور روڈ اور اس سے ملحقہ علاقوں میں ویسٹ کلیئرنس آپریشن ،1500 سے زائد ورکرز مرکزی شاہراؤں اور ڈرینز کے اطراف صفائی پر تعینات رہے

ستھرا پنجاب مہم کے تحت ایل ڈبلیو ایم سی کی جانب سے فیروز پور روڈ اور اس سے ملحقہ علاقوں میں صفائی کی بہترین سہولیات فراہم کرنے کے لیے خصوصی صفائی آپریشن کیا گیا۔1500 سے زائد ورکرز ،283 آپریشنل گاڑیاں اور 313 لوڈر رکشے لاہور کی دیہی یونین کونسلز نشتر ٹاؤن میں صفائی اور ڈور ٹو ڈور ویسٹ کولیکشن پر تعینات ہیں۔

سی ای او ایل ڈبلیو ایم سی بابر صاحب دین کی ہدایت پر ہلوکی، چندرائے، کاہنہ نو، گجومتہ، بیدیاں روڈ سمیت 22 ہاٹ اسپاٹس مکمل طور پر کلیئرکر دیے گئے۔آشیانہ روڈ، اعوان مارکیٹ، کچا جیل روڈ اور چونگی امرسدھو میں ہیوی مشینری کے ذریعے ویسٹ کلیئرنس کی گئی۔ہڈیارہ ڈرینز فیروز پور روڈ اور شنگھائی نالے کے اطراف عملہ صفائی ستھرائی کے لیے موجود ہے۔مزید برآں ٹاؤن شپ، گرین ٹاؤن اور باگڑیاں کے علاقوں میں کنٹینرز کلئیرنس اور مینوئل سویپنگ کا عمل مکمل کیا گیا ۔سی ای او ایل ڈبلیو ایم سی بابر صاحب دین کا کہنا ہے کہ ستھرا پنجاب مہم کے تحت تمام ٹاؤنز کو مرحلہ وار زیرو ویسٹ کیا جا رہا ہے جبکہ فیلڈ میں ٹیموں کی کارکردگی کو مسلسل مانیٹر کیا جا رہا ہے۔ شہریوں سے بھی گزارش ہے کہ ایل ڈبلیو ایم سی کے عملے سے تعاون کریں۔صفائی سے متعلق شکایات کے ازالے کے لئے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں ۔