وزیر اعلٰی خیبرپختونخوا علی امین گنڈا پور کی ہدایات کی روشنی میں چیف سیکرٹری خیبرپختونخوا نے سوات سانحے کی انکوائری کیلئے کمیٹی قائم کردی۔ سوات کے ایڈیشنل ڈپٹی کمشنر اور دو اسسٹنٹ کمشنرز کو معطل کردیا گیا ہے۔سانحہ سوات، وزیر اعلیٰ خیبر پختونخوا علی امین خان گنڈاپور کی ہدایت پر ناقص کارکردگی کے باعث متعدد افسران فوری معطل کئے گئے ہیں۔
ترجمان وزیراعلٰی فراز احمد مغل نے کہا ہے کہ وزیراعلٰی انسپیکشن ٹیم کو باقاعدہ انکوائری کی ہدایات جاری کر دی گئی ہیں۔ ابتدائی طور پر اسسٹنٹ کمشنر بابوزئی سست ردعمل پر معطل کردیا گیا۔ اسسٹنٹ کمشنر خوازہ خیلہ بروقت پیشگی وارننگ نہ دینے پر معطل کیے گئے ہیں۔اے ڈی سی ریلیف کو پیشگی انتظامات نہ کرنے پر معطل کر دیا گیا۔ ریسکیو 1122 کے ضلعی انچارج کو بھی فوری معطل کرنے کا فیصلہ کیا گیا ہے۔
