صوبائی وزیر سعید غنی نے تمام متعلقہ محکموں کے اعلٰی افسران سے رابطہ کرکے فوری طور پر ریسکیو کام سرانجام دینے کی ہدایات دی ہے۔وزیر بلدیات سندھ سعید غنی نے تمام متعلقہ اداروں کو ہدایات جاری کیں کہ عمارت میں پھنسے ہوئے تمام لوگوں کو جلد از جلد ریسکیو کیا جائے۔عمارت کے اطراف کی تمام رکاوٹوں کو دور کرکے ریسکیو آپریشن کو تیز سے تیز کیا جائے۔سندھ بلڈنگ کنٹرول اتھارٹی سمیت تمام اداروں کے افسران فوری طور پر جائے وقوعہ پر اپنی نگرانی میں اس ریسکیو کام کو سرانجام دیں۔عمارت گرنے کی وجوہات اور اس کے تمام اسباب کی فوری رپورٹ پیش کی جائے۔ہماری اولین ترجیح اس عمارت میں پھنسے لوگوں کو نکالنے پر مرکوز ہونا چاہیے۔اور اگر کوئی زخمی ہوئے ہیں ان کی فوری طبی امداد کو ہر صورت یقینی بنایا جائے۔
