صوبائی وزیر برائے ترقی نسواں سندہ شاہینہ شیر علی نے صوبائی وزیر سوشل ویلفیئر میر طارق علی خان تالپور سے اُن کے دفتر میں ملاقات کی۔ملاقات کے دوران دونوں وزراء نے ٹرانسجینڈر کمیونٹی کی نمائندہ، سٹی کونسل ممبر شہزادی رائے اور بندیا رانی سے مشترکہ ملاقات کی۔
اس موقع پر خواجہ سرا کمیونٹی کو درپیش مسائل، ان کی فلاح و بہبود اور بنیادی حقوق کے تحفظ کے حوالے سے سوشل ویلفیئر ڈیپارٹمنٹ کے کردار پر تفصیلی بات چیت کی گئی۔ دونوں صوبائی وزراء نے کمیونٹی رہنماؤں کو یقین دہانی کرائی کہ ان کے مسائل کو ترجیحی بنیادوں پر حل کیا جائے گا اور ان کی بہتری کے لیے ہر ممکن اقدام اٹھایا جائے گا۔
