وزیر اعلیٰ پنجاب کی ہدایت پر گندم کی ناجائز ذخیرہ اندوزی اور مہنگا آٹا فروخت کرنیوالوں کیخلاف آپریشن جاری ہے،پنجاب حکومت نے پرائس کنٹرول ڈیپارٹمنٹ کے کمیٹی روم میں مرکزی مانیٹرنگ سیل قائم کر دیا ہے، ترجمان پرائس کنٹرول اینڈ کماڈیٹیز مینجمنٹ ڈیپارٹمنٹ کا کہنا تھا کہ مانیٹرنگ سیل کا مقصد آٹا اور گندم کی بلاتعطل فراہمی اور مقررہ نرخوں پر دستیابی کو یقینی بنانا ہے، مانیٹرنگ سیل میں ہر محکمے کا نمائندہ ڈیسک قائم ، فلور ملز، فیڈ ملز اور فوڈ گرین لائسنس ہولڈرز کی فہرستیں موجود ہیں، مانیٹرنگ سیل میں تمام اضلاع سے ڈیٹا اکٹھا کرنا شروع کر دیا گیا ہے، کمیٹی روم میں گندم اور آٹے کی قیمتوں ،اعدادوشمار اور تازہ صورتحال مسلسل مانیٹرنگ کی جارہی ہے، گندم اور آٹے کی نقل و حرکت پر نظر رکھنے کیلئے چیک پوسٹوں کی فہرستیں، سی سی ٹی وی مانیٹرنگ اور خفیہ رپورٹس پر مانیٹرنگ سیل کام کر رہا ہے، اسپیشل برانچ کے نمائندے بھی مانیٹرنگ سیل کا حصہ ، ذخیرہ اندوزی، اسمگلنگ اور مصنوعی مہنگائی کے حوالے سے بروقت معلومات پر کارروائیاں یقینی بنائی جائیں گی، مانیٹرنگ سیل روزانہ کی بنیاد پر گندم اور آٹے کی دستیابی، قیمتوں اور فیلڈ انسپکشنز کی رپورٹ ڈی جی فوڈ/کین کمشنر کو ارسال کرے گا، ڈی جی فوڈ/کین کمشنر مانیٹرنگ سیل کے کنوینر ہوں گے جبکہ ایل اینڈ ڈی ڈی، پی ای آر اے، اسپیشل برانچ اور وزیراعلیٰ آفس کے نمائندے بطور ممبران شریک ہیں۔
