پنجاب میں شہریوں کو صاف پانی کی فراہمی کے لئے جدید جاپانی ٹیکنالوجی استعمال میں لانے کا فیصلہ کیاگیاہے۔جاپان کی جدید ٹیکنالوجی اور طریقے پنجاب میں واٹر فلٹریشن اور ویسٹ مینجمنٹ کے لئے استعمال میں لائے جائیں گے۔وزیراعلی پنجاب مریم نوازشریف کا جاپان کے سب سے بڑے واٹر فلٹریشن اور ویسٹ ٹریٹمنٹ پلانٹ کا دورہ کیا اورگفتگو کرتے ہوئے کہا کہ شہریوں کو صاف پانی کی فراہمی اولین ترجیح ہے۔وزیراعلیٰ مریم نواز شریف نے اساہی کو، یوکوہاماسٹی، کانا گاوا، وا شیماکو، ہوڈوگاوا کو کے واٹر ٹریٹمنٹ سسٹمز کا معا ئنہ کیا۔وزیراعلی پنجاب کو جاپان کے شہروں کے کوڑے کرکٹ، گندے پانی اور کچرے کو ٹھکانے لگانے کے طریقہ کار پر تفصیلی بریفنگ دی گئی۔
یوکو ہاما آبادی کے لحاظ سے جاپان کا دوسر اسب سے بڑا شہر ہے۔یوکو ہاما سالڈ ویسٹ اینڈ ویسٹ واٹر ٹریٹمنٹ پلان روزانہ 1.5 ملین میٹر ویسٹ واٹر کی صفائی کرتا ہے۔یوکو ہاما ویسٹ ٹریٹمنٹ پلانٹ کچرے سے توانائی بنانے والے کئی پلانٹ بھی چلا رہا ہے۔اس توانائی کو مقامی آبادی کے لئے ہیٹنگ سسٹم کے لئے استعمال کیاجاتا ہے۔یوکو ہاما ویسٹ ٹریٹمنٹ پلانٹ کچرے کو جدید ٹیکنالوجی اور طریقوں سے ٹھکانے لگانے کا مثالی ادارہ ہے۔جدید پلانٹ اور خودکار نظام کے ذریعے کچرے کو دوبارہ قابل استعمال بنانے والے اجزا کو الگ کیاجاتا ہے۔صنعتی شہر ہونے کے باوجود یوکو ہاما اعلی ترین ماحولیاتی معیارات میں سرفہرست ہے۔وزیراعلی پنجاب مریم نوازشریف نے گفتگوکرتے ہوئے کہا کہ یوکوہاما کی ماحولیاتی اور شہری ترقی کے ماڈل کو پنجاب میں لاگو کریں گے۔
