وزیر کھیل خیبرپختونخوا سید فخرجہان نے فلڈ ریلیف چیرٹی میچ میں جمع ہونے والی رقم کا ایک کروڑ پچھتر لاکھ روپے کا چیک وزیر اعلیٰ کو پیش کر دیا۔

وزیراعلیٰ خیبرپختونخوا علی امین خان گنڈاپور کو صوبائی وزیر کھیل و امور نوجوانان سید فخرجہان نے فلڈ ریلیف چیرٹی میچ میں جمع ہونے والی رقم کا ایک کروڑ پچھتر لاکھ روپے کا چیک وزیر اعلیٰ ہاؤس میں پیش کیا۔ یہ رقم پی ڈی ایم اے کے تحت فلڈ ریلیف اکاؤنٹ میں جمع کرائی جائے گی تاکہ سیلاب متاثرین کی بحالی پر خرچ کی جا سکے۔ اس موقع پر سیکرٹری کھیل و امور نوجوانان سعادت حسن اور ڈائریکٹر جنرل سپورٹس تاشفین حیدر بھی موجود تھے۔واضح رہے کہ فلڈ ریلیف چیرٹی میچ میں 15 ہزار جنرل ٹکٹس (1 ہزار روپے فی ٹکٹ)، 100 وی آئی پی ٹکٹس (10 ہزار روپے فی ٹکٹ) اور 30 وی وی آئی پی ٹکٹس (50 ہزار روپے فی ٹکٹ) فروخت ہوئے تھے۔