وزیر اعلیٰ پنجاب مریم نواز شریف کے ویژن ستھرا پنجاب مہم پر کامیابی سے عملدرآمد جاری ہے۔ایل ڈبلیو ایم سی کی جانب سے بھی اس مقصد کے حصول کے لیے لاہور کے 9 ٹاؤنز میں مرحلہ وار خصوصی صفائی اقدامات کیے جا رہے ہیں۔گھر گھر سے کوڑا اٹھانے کیلئے سمن آباد ٹاؤن میں 190لوڈر رکشے ورکنگ پرتعینات ہیں۔بہترین صفائی نظام کو برقرار رکھنے کے لیے ایل ڈبلیو ایم سی کی آپریشن ٹیموں نے سمن آباد ٹاؤن میں زیرو ویسٹ آپریشن کر کے 32 ہاٹ سپاٹ ایریاز کی کلیئرنس بھی یقینی بنائی۔سکول، کالجزاورکمرشل مارکیٹس کے گرد مینوئل سویپنگ اسکریپنگ بھی کی گئی۔سی ای او ایل ڈبلیو ایم سی بابر صاحب دین کا کہنا ہے کہ
سمن آباد ٹاؤن میں تعینات 1400ورکرز، لوڈر رکشوں سمیت 300 آپریشنل گاڑیوں کی مدد سے خصوصی صفائی آپریشن کیا گیا جبکہ تمام عارضی کولیکشن پوائنٹس روزانہ کی بنیاد پر زیرو ویسٹ کیے جا رہے ہیں۔مزید برآں گلشنِ راوی،یتیم خانہ چوک، بابو صابو میں خصوصی صفائی آپریشن مکمل کیا گیا۔ کریم بلاک،مون مارکیٹ،ایوبیہ مارکیٹ،اچھرہ بازار کے اطراف خصوصی صفائی ٹیمیں تعینات ہیں۔چوبرجی، سمن آباد،ملتان روڈ،جی او آر 2،اسلامیہ پارک میں بھی صفائی ستھرائی کا عمل جاری ہے۔شہریوں سے بھی گزارش ہے کہ اپنے ارد گرد کے ماحول کو صاف بنانے میں ایل ڈبلیو ایم سی ٹیموں کا ساتھ دیں۔ کوڑا ہمیشہ کوڑے دان میں ڈالیں۔ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
