ڈپٹی کمشنر و ایڈمنسٹریٹر لاہور رافعہ حیدرکی ہدایت پر مون سون کی بارش میں نظام زندگی کو کسی تعطل سے بچانے کیلئے رسپانس ٹیموں میں اضافہ کردیاگیا ہے، واسا کی رسپانس ٹیموں کے ساتھ ایم سی ایل کی فیلڈ ٹیمیں ری سٹرکچر کر کے فیلڈ میں اتار دی گئی ہیں۔ وزیر اعلی پنجاب کی ہدایت کے مطابق ضلعی انتظامیہ کا جامع رین ایمرجنسی پلان پر عمل درآمدجاری ہے۔ واسا کے کیمپ شہر کی حدود میں فوری رسپانس کررہے ہیں، ایم سی ایل کی طرف سے اطرافی مقامات کلئیر کروائے گئے۔ اسسٹنٹ کمشنرز نے بھی فیلڈ میں نگرانی بڑھا دی اور بارش میں سڑکوں پر گرنے والے درخت ہٹانے کیلئے سپیشل ٹیم متحرک رہے گی۔ ڈی سی لاہور رافعہ حیدرکے مطابق ایم سی ایل کی ہیوی ڈیوٹی گاڑیاں اور کرینیں رین ایمرجنسی رسپانس میں حصہ لیں گی۔شہر کے ہر علاقہ میں واسا اور ایم سی ایل کیمپس مکمل فعال رہیں گے۔شہر بھر میں تمام ڈسپوزل اسٹیشنز فعال ہیں۔وزیر اعلی پنجاب کی ہدایت کے مطابق انتظامیہ ایمرجنسی سے نمٹنے کے لئے مکمل الرٹ ہیں۔شہریوں سے گزارش ہے بارش میں بلا ضرورت گھروں سے باہر نہ نکلیں۔ والدین بچوں کو بارش کے پانی میں نہانے یا کھیلنے کی اجازت ہرگز نہ دیں۔ شہری دیواروں اور درختوں کے نیچے سے ہو کر نہ گزریں۔ بجلی کی تاروں اور کھمبوں سے دور رہیں۔
