*کسی کو اجازت نہیں کہ نوٹیفائیڈ کرایوں سے زائد مسافروں سے کرایہ وصول کرے،کمشنر لاہور مریم خان*

کمشنر لاہور مریم خان کی زیر صدارت عید پر ٹرانسپورٹ کرائے نوٹیفائیڈ ریٹس پر عملدرآمد کے حوالے سے ڈویژنل اجلاس منعقد ہوا۔ اجلاس میں لاہور ڈویژن چاروں اضلاع کے ڈپٹی کمشنرز نے شرکت کی۔کمشنرلاہورڈویژن مریم خان نے ڈپٹی کمشنرز کو ہدایات دیتے ہوئے کہا ہے کہ عید پر کرایہ جات ریگولیٹ کرنے کیلئے بس ٹرمینلز پر انتظامی کاونٹرز قائم کریں، ٹیمیں تشکیل دیں بس ٹرمینلز اور اڈوں پر چیکنگ و مانیٹرنگ کو سخت کیا جائے۔ انہوں نے کہا کہ بس اڈوں و ٹرمینلز پر نوٹیفائیڈ ریٹس واضح انداز میں آویزاں کیے جائیں، فیول پرائسز بڑھنے سے سے کرایہ جات میں بڑھوتری کے بعد نوٹیفائیڈ ریٹس جاری ہوچکے ہیں، کسی کو اجازت نہیں کہ نوٹیفائیڈ کرایوں سے زائد مسافروں سے کرایہ وصول کرے۔ کمشنر لاہور نے کہا کہ پرائس مجسٹریٹس فعال رہیں عید سے پہلے گرانفروشی پر زیرو ٹالرنس رکھی جائے۔اجلاس میں ڈی سی لاہور کیپٹن ر علی اعجاز، ڈی سی ننکانہ راو تسلیم اختر، ڈی سی شیخوپورہ شاہد عمران مارتھ، ڈی سی قصور آصف رضا، اے سی جی وجیہہ ثمرین نے شرکت کی۔