وزیراعلٰی پنجاب کی ہدایات کے مطابق صاف شہر-سرسبز لاہور مشن پر عملدرآمد و جائزہ کے لئے کمشنر لاہور مریم خان نے شالامار چوک تا داروغہ والا،کوپر سٹور روڈ ،مغلپورہ چوک کا دورہ کیا۔ کمشنر لاہور نے صفائی، گرین بیلٹس، ڈی سلٹنگ، پاٹ ہولز مرمت، کرب سٹون و زیبرا کراسنگ پینٹ کا جائزہ لیا۔ اس موقع پر ڈی سی لاہور سید موسٰی رضا، سی ای او ایل ڈبلیو ایم سی بابر صاحبدین بھی ہمراہ موجود تھے جبکہ اے سی شالامار ثاقب ترمذی نے ان سپاٹ بریفنگ دی۔ کمشنر لاہور کے دورے کے دوران ایل ڈبلیو ایم سی، پی ایچ اے، ٹیپا، ایم سی ایل سمیت دیگر محکمے صاف شہر مشن میں مصروف عمل نظر آئے۔ کمشنر لاہور مریم خان نے گفتگو کرتے ہوئے کہا ہے کہ وزیراعلٰی پنجاب کی ہدایات کے مطابق صفائی، خوبصورتی/گرینری پر انتظامیہ کا مکمل فوکس ہے، انہوں نے کہا کہ صفائی کے بعد سڑکوں کو پانی سے دھویا جارہا ہے جو کہ سموگ آلودگی تدارک میں معاون ہے۔ کمشنر لاہور نے کہا کہ شہر سے گزرنے والے نالوں کے گرد45ہزار پودے لگانے جائیں گے جبکہ گرین کور کیلئے شہر سے گزرنے والے نالوں کے اطراف میں 20 ہزار پودے لگائے جا چکے ہیں، انہوں نے کہا کہ لاہور کے ہر ایریا پر یکساں فوکس ہے صاف شہر شہریوں کا حق ہے۔ کمشنر لاہور نے انتظامیہ کو ہدایت دیتے ہوئے کہا کہ شہر میں لائٹس، گرین بیلٹس مرمت و بحالی کو ٹائم لاینز اور ڈیڈلائن کے مطابق مکمل ہونا چاہئے، ہر ایریا کی میونسپل سروسز مستقل فیچر ہے، فیلڈ ٹیمیں مسلسل متحرک رکھیں۔ 
کمشنر لاہور مریم خان نے شالامار ماڈل ریڑھی بازار میں صفائی اور نرخناموں کو بھی چیک کیا۔ کمشنر لاہور نے کہا کہ وزیراعلی پنجاب کی اولین ترجیحات میں سرسبز لاہور/صاف ستھرا لاہور شامل ہیں، ہر تحصیل سے ایریاز کی فہرستیں تیار ہیں، روزانہ کی بنیاد پر پلان کے مطابق مختلف علاقوں کے دورے کرکے امپروومنٹ/بیوٹیفکیشن کو چیک کیا جا رہا ہے۔ کمشنر لاہور نے اہلکاروں کی حوصلہ افزائی کرتے ہوئے کہا کہ انتظامی ٹیم پوری فارم میں ہے، راونڈ دی کلاک ورکنگ سے وزیراعلی پنجاب کی ہدایات پر من وعن عملدرآمد کو یقینی بنایا جائے گا۔
