کمشنرلاہور مریم خان کی زیر صدارت شہر میں زیر تعمیر سائٹس و کھدائی ایریاز کی سیفٹی اقدامات جائزہ کے حوالے سے اجلاس منعقد ہوا۔ کمشنر لاہور نے ضلعی انتظامیہ و متعلقہ محکموں کو ہدایات دیتے ہوئے کہا ہے شہر میں زیر تعمیر سائٹس و کھدائی ایریاز کی سیفٹی کیلئے سپیشل ضلعی ٹیم تشکیل دے دی گئی ہے، ڈویلپمنٹ محکمے کنسٹرکشن سائٹس، مرمت و بحالی کھدائیوں کے گرد سیفٹی اقدامات سوفیصد یقینی بنائیں۔ انہوں نے کہا کہ ہر محکمہ اپنی سائٹ کا ذمہ دار اور سرٹیفکیٹ دیگا غفلت پر زیرو ٹالرنس ہے۔ کمشنر لاہور نے ایل ڈی اے، ایم سی ایل، واسا، پی ٹی سی ایل، سوئی گیس، لیسکو، سی اینڈ ڈبلیو کو سیفٹی اقدامات کرنے کی ہدایت کی۔ انہوں نے کہا کہ ہر محکمہ کی پروفیشنل ٹیمیں شہر میں نکلیں اور 2 دن میں سیفٹی اقدامات کو سوفیصد مکمل کریں۔ کمشنر لاہور نے تمام محکموں کو جیو ٹیگنگ اور سائٹس کو محفوظ بنانے کی ہدایت کردی۔ کمشنر لاہور نے ”محفوظ بسنت“ کے حوالے سے منعقدہ اہم اجلاس میں کہا کہ صرف لاہور ضلع کی حدود میں تین روزہ ”محفوظ بسنت“6,7,8 فروری 2026, ہوگی، 6فروری 2026سے پہلے ضلع لاہور میں پتنگ بازی کی قطعا اجازت نہیں، لاہور میں اس وقت پتنگ بازی پر پابندی ہے۔ کمشنرلاہور نے کہا کہ ڈی سی آفس لاہور میں بسنت مرکزی کنٹرول سنٹر قائم ہے محکمے راہنمائی لے سکتے ہیں، تمام انتظامی محکمے، وفاقی محکمے بسنت کے دوران ہائی الرٹ پر ہونگے، تمام محکموں راونڈ دی کلاک ڈیوٹی پر رہیں اور ٹیمیں فیلڈ میں موجود ہونی چاہئیں۔بسنت انتظامات کیلیے فرائض سرانجام دینے والے تمام محکموں نے اجلاس میں شرکت کی
